Жорий йилнинг 11 декабрь куни мавлид ойи муносабати билан Қўштепа туманидаги имом-хатиблар томонидан хайрия тадбири ташкил этилди.
Туман бош имом-хатиби Р.Жалилов, «Мўйи Муборак» масжиди имом-хатиби Л.Суярқулов ҳамда «Ғиштмон» масжиди имом-хатиби И.Ҳайдаровлар томонидан ёрдамга муҳтож, кам таъминланган, боқувчисини йўқотган фуқароларга қишқи кийим-кечак, озиқ-овқат маҳсулотлари тарқатди.
Худди шундай тадбирлар Қува, Олтиариқ, Фурқат туманларида ҳам ташкиллаштирилиб, унда имом-хатиблар ҳомийларни жалб қилган ҳолда қишқи кийим-кечак, озиқ-овқат маҳсулотлари билан бир қаторда маиший эҳтиёж учун зарур бўлган ашёларнинг эҳтиёжманд хонадонларга кириб боришига ўз ҳиссаларини қўшмоқдалар.
Зеро, киши ўзи яхши кўрган нарса, одатда, ўзи учун фойдали, ёқимли ва хайрли нарса бўлади. Бу нарсаларни ўзгага ҳам раво кўриш, ўзга шахснинг бу одамга нисбатан меҳри ва ҳурматини оширади. Ўзаро алоқалар яхшиланади. Бунинг натижасида жамият мустаҳкам ва фаровон бўлади.
ЎМИ матбуот хизмати
Ўзбекистон Республикаси ички ишлар вазирлиги ҳузуридаги жазони ижро этиш департаменти биринчи минтақавий ҳудуд 21-сон жазони ижро этиш колониясида Ўзбекистон мусулмонлари идораси раиси, муфтий Шайх Нуриддин Холиқназар ҳазратларининг “Эй бандаларим...” китоби тақдимоти бўлиб ўтди.
Тошкент вилояти Зангиота тумани «Ал-Имон» жоме масжиди имом-хатиби Фаррух домла Султонов қатнашиб, китобнинг мазмун моҳиятини йиғилганларга тушунтириб берди.