06 Январ, 2026, 17 Ражаб, 1447
06 Январ, 2026, 17 Ражаб, 1447
Ўзбекистон Республикаси Ҳаж делегацияси бугун 18 январь куни Саудия Арабистони Подшоҳлигига жўнаб кетди. Ушбу сафар 7 кун давом этади.
Саудия Арабистони Ҳаж ишлари вазири Солиҳ Бантин таклифига асосан, «Ҳаж–2017» мавсумининг ташкилий ишларини келишиб олиш мақсадида Вазирлар Маҳкамаси ҳузуридаги Дин ишлари бўйича қўмита раиси Ортиқбек Юсупов – делегация раҳбари ва Ўзбекистон мусулмонлари идораси раиси, муфтий Усмонхон Алимов бошчилигидаги делегация бугун Жидда шаҳрига етиб боради.
Шунингдек, уларга Ўзбекистон мусулмонлари идораси матбуот котиби Жалолиддин Нуриддинов ва Тошкент ислом университети халқаро алоқалар бўлими бошлиғи Ҳамидбек Ҳасанов ҳамроҳлик қилишмоқда.
Сафар давомида Ўзбекистон Ҳаж делегацияси ва Саудия Арабистони Ҳаж ишлари вазирлиги ва мутасадди ташкилотлар ўртасида «Ҳаж–2017» мавсумининг ташкилий ишлари ўзаро кўриб чиқилади. Шу мақсадда Маккаи мукаррама, Мадинаи мунаввара ва Жидда шаҳарларида жорий йил ҳаж мавсумида ўзбекистонлик ҳожиларга хизмат қилувчи идоралар ва муассасалар раҳбарлари билан келишиб олинади.
Ўзбекистон мусулмонлари идораси матбуот хизмати
Ўзбекистон мусулмонлар идораси жамоаси Тошкент шаҳридаги «Кўкча Оқтепа» жоме масжиди имом-хатиби Абдуллоҳ домла Ғуломовнинг отаси Абдуғани ҳожи ҒУЛОМОВнинг вафоти муносабати билан чуқур таъзия билдиради.
Аллоҳ таоло марҳум отахонни Ўз раҳматига олиб, охиратини обод қилсин, маконини Фирдавс жаннатлардан айласин.
Марҳумнинг бу дунёда қилган барча хайрли ва эзгу ишларини бошига соябон, охиратига захира қилсин.
Ортда қолган барча яқинларига гўзал сабр берсин!
Иннã лиллãҳи ва иннã илайҳи рожиъун!
Ўзбекистон мусулмонлари идораси жамоаси, уламолари, имом-домлалари ва ўқитувчи-мударрислари номидан марҳума онахоннинг яқинларига, хусусан, Абдуллоҳ домла Ғуломовга ҳамдардлик билдирамиз.
* * *
Жаноза намози бугун, 30 декабрь куни пешин намозидан сўнг Андижон вилояти Асака шаҳри Оқбўйра маҳалласида, марҳумнинг хонадонида ўқилади.
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 