Кеча, 30 июль куни, Дин ишлари бўйича қўмитада Олий Мажлис Сенати Раиси Танзила Нарбаева иштирокида тадбир бўлиб ўтди.
Йиғилишда Президент маслаҳатчиси Музаффар Камилов, Дин ишлари бўйича қомита раиси Содиқ Тошбоев, диний-маърифий соҳа ташкилот раҳбарлари ҳамда қўмита ходимлари иштирок этди.
Нарбаева томонидан, сўнгги йилларда диний-маърифий соҳада юртимизда амалга оширилаётган ислоҳотлар, соҳа вакилларига яратиб берилаётган шарт-шароитлар ҳамда амалга оширилиши лозим бўлган устувор вазифаларга батафсил тўхталиб ўтилди.
Шундан сўнг, ташкилий масала кўриб чиқилди.
Президент маслаҳатчиси Музаффар Камилов томонидан Дин ишлари бўйича қўмита раиси ўринбосари сифатида фаолият кўрсатиб келган Ғуломовани бошқа ишга ўтиши муносабати билан лавозимдан озод қилиш тўғрисидаги ҳамда Матлуба Каҳҳоровани Дин ишлари бўйича қўмита раиси ўринбосари этиб тайинлаш тўғрисидаги Ўзбекистон Республикаси Президентининг Қарори ўқиб эшиттирилди.
Тадбир якунида Дилбар Ғуломовага Қўмита раисининг ташаккурномаси ва эсдалик совғалари топширилди.
Дин ишлари бўйича қўмита Ахборот хизмати
Ўзбекистон мусулмонлари идораси Сирдарё вилояти вакиллиги ҳамда Сирдарё вилоят ҳокимлиги ҳамкорлигида вилоятимизда хизмат қилаётган имом-хатиб ва имом-ноибларнинг жисмоний фаоллигини ошириш, соғлом турмуш тарзини тарғиб қилиш, шунингдек, ўзаро жамоавий ҳамжиҳатлик ва ҳамкорлик руҳини мустаҳкамлаш мақсадида 2026 йил 24 январь куни волейбол, стол тенниси ҳамда шахмат-шашка йўналишлари бўйича спорт мусобақалари ташкил этилди.
Ушбу спорт беллашувларида вилоятимизнинг барча туман ва шаҳарларидан ташриф буюрган имом-хатиб ва имом-ноиблар фаол иштирок этдилар. Мусобақалар дўстона муҳитда, юқори спорт руҳида ўтиб, иштирокчиларга кўтаринки кайфият ва илиқ таассуротлар улашди.
Тадбир якунида ғолиб ва фаол иштирокчиларга ташкилотчилар томонидан фахрий ёрлиқлар ҳамда қимматбаҳо совғалар билан тақдирландилар.
Ўзбекистон мусулмонлари идораси
Сирдарё вилояти вакиллиги Матбуот хизмати