Сайт тест ҳолатида ишламоқда!
02 Октябр, 2024   |   29 Рабиъул аввал, 1446

Тошкент шаҳри
Бомдод
05:03
Қуёш
06:21
Пешин
12:17
Аср
16:18
Шом
18:06
Хуфтон
19:19
Bismillah
02 Октябр, 2024, 29 Рабиъул аввал, 1446
Янгиликлар

Қози домла Элликқалъа туманида бўлди

15.08.2024   2542   1 min.
Қози домла Элликқалъа туманида бўлди

Қорақалпоғистон мусулмонлари қозиёти қозиси Бахрамаддин домла Разов ҳожилар ва имом-хатиблар билан бирга “Янги Ўзбекистон фидойиси бўлиб, маънавият тарғиботчисига айланамиз” шиори остидаги фаолиятни давом этиш мақсадида ёрдамга муҳтож оилалар ҳолидан хабар олиш мақсадида Элликқалъа туманида хизмат сафарида бўлди.

Туман бош имоми Исмоил Атажанов ва ҳожилар билан “Ибн Сино” маҳалласида яшовчи ижтимоий ҳимояга муҳтож ва диний оқим таъсиридаги оилаларнинг яшаш шароитлари билан танишди. Улар билан билан мўминга ҳос фазилат ва фарзанд тарбияси мавзусида суҳбатлашиш баробарида ҳомийлар кўмагида мактаб сумкаси, дафтар, қалам ва озиқ-овқат маҳсулотлари тақдим этилмоқда.

Сўнг соҳа мутасаддилари тумандаги “Абдуллоҳ Норинжоний” масжидида бўлиб, ободонлаштириш ва қурилиш ишларини кўздан кечирди. Шунингдек, бу ердаги шароитлар, намозхонлар учун янги ташкил қилинган кутубхона билан танишди.

Сафар давомида Бахрамаддин домла Элликқалъа туманидаги “Саноат саройи”да “Аҳоли орасида ақидапарастликнинг олдини олиш” шиори остида ташкил қилинган “Жаҳолатга қарши – маърифат” мавзусидаги тадбирда иштирок этди.

Суҳбат асносида қози домла ислом – тинчлик дини, миллатлараро тотувлик ва диний бағрикенглик ҳақида ояти карима ва ҳадиси шарифлардан мисоллар келтириб маъруза қилди.

Тадбирда Қорақалпоғистон Республикаси Вазирлар Кенгаши, Дин ишлари бўйича қўмитанинг ҳудудий бошқармаси вакиллари, Нукус давлат педагогик институти профессорлари, Элликқалъа тумани аҳолиси, маҳалла фаоллари, имом-хатиблар, отинойилар иштирок этди.

Сафар якунида қози домла тумандаги имом-хатиб ва имом-ноиблар билан учрашиб, соҳага тегишли топшириқлар берди.

Қорақалпоғистон мусулмонлари қозиёти

Қози домла Элликқалъа туманида бўлди Қози домла Элликқалъа туманида бўлди Қози домла Элликқалъа туманида бўлди Қози домла Элликқалъа туманида бўлди Қози домла Элликқалъа туманида бўлди
Ўзбекистон янгиликлари
Бошқа мақолалар

Қайғуларингизни кичик хурсандчиликлар билан қувинг!

30.09.2024   3064   2 min.
Қайғуларингизни кичик хурсандчиликлар билан қувинг!

Бисмиллаҳир Роҳманир Роҳийм

Расулуллоҳ соллаллоҳу алайҳи васаллам қалбларига сурур бахш этадиган, жонларига оро кирадиган амалларни, ғам-ташвишлар қуюндек ёпирилганда қайғуларини аритиш учун талпинадиган бир қанча амалларни айтганлар. Бу эса у зотнинг биз умматларига улкан ҳадяларидан биридир.

У зот соллаллоҳу алайҳи васаллам шундай деганлар: «Бу дунёда менга жуфти ҳалолларим ва ёқимли ифорлар маҳбуб қилинди. Кўзимнинг қувончи эса намоз бўлди».

Ушбу набавий ҳадисни яхшилаб мулоҳаза қиладиган бўлсак, қисқагина бўлса ҳам, унда қайғуларни муолажа қиладиган улкан, нафис қоидалар, бахтли ҳаёт учун гўзал намуналар мужассам.

Буни сизга қуйида баён қилиб бераман:

Биринчидан, юқоридаги ҳадисни эшитганингизда хаёлингиздан нималар ўтди? Балки «Ҳадисда айтилган уч нарса бу дунёда Расулуллоҳга маъқул бўлган экан. Хўш, мен-чи? Бу дунёда мен нималарни ёқтираман, нима қилганимда роҳатланаман?» деган ўринли савол туғилгандир?

Мана, Набий соллаллоҳу алайҳи васаллам бизга бу дунёда ёқтирган нарсаларини санаб, айтиб бердилар. Келинг, биз ҳам Расулуллоҳга уммат ўлароқ эргашиб, ўзимиз учун бу дунёда маҳбуб бўлган, ҳалол бўлган, бажарганда завқ туядиган ишларни қалбимиз тубидан қидириб, уларни аниқлаб олайлик!

Иккинчидан, севикли Пайғамбаримиз соллаллоҳу алайҳи васаллам ёқтирадиган уч нарса ҳақида озгина тафаккур қилсак, бу уч нарса уч жиҳатни ўз ичига олишини кўрамиз. Масалан, хушбўйлик моддий нарсаларни ифодаласа, аёллар ижтимоий ва шахсий ҳаётни тасвирлайди, намоз эса ибодат жумласидан.

Учинчидан, Расулуллоҳ соллаллоҳу алайҳи васаллам ўзлари ёқтирадиган, қалблари таскин топадиган нарсаларни билардилар. Шунинг учун қийинчилик ва мусибат вақтида қайғуларини енгиллатиш учун шулар томон ошиқар эдилар. Масалан, у зот намозни севардилар, чунки намозда Аллоҳ таолога яқинлашиш бор. Шуннг учун қачон қайғуга ботсалар, намозга ошиқардилар.

Ҳузайфа ибн Ямон розияллоҳу анҳудан ривоят қилинади:

«Бирон нарса Расулуллоҳ соллаллоҳу алайҳи васалламни қаттиқ ранжитса, у зот намоз ўқирдилар».

Бошқа бир ривоятда: «Расулуллоҳ соллаллоҳу алайҳи васаллам бирор нарсадан хафа бўлсалар, намоз ўқирдилар», дейилган.

Демак, Расулуллоҳ бирор нарсадан ранжисалар ёки қайғуга ботсалар, аввало намозга талпинар эканлар.