13 Июл, 2025, 18 Муҳаррам, 1447
13 Июл, 2025, 18 Муҳаррам, 1447
Шу йил 19 август куни пойтахтимизнинг “Ҳазрати Имом” мажмуасидаги “Тилла Шайх” масжидида диний таълим муассасаларига кириш имтиҳонининг якуний босқичи бошланди.
Шу муносабат билан ўтказилган тадбирда Ўзбекистон мусулмонлари идораси раиси ўринбосари, Тошкент ислом институти ректори, профессор Муҳаммадолим Муҳаммадсиддиқов, Дин ишлари бўйича қўмита раисининг биринчи ўринбосари Давронбек Махсудов, шунингдек, Диний идора Таълим ва илмий-тадқиқотлар бўлими мудири Салоҳиддин Шерхонов, мудир ўринбосари Акбар Дўсматов, “Кўкалдош” мадрасаси мудири Маъмуржон Эркаев, "Хадичаи кубро" мадрасаси мудири Марям Абдуллаева ҳамда абитуриентлар ва уларнинг ота-оналари иштирок этди.
Қуръони карим тиловати ва хайрли дуолар ила бошланган маросимда сўзга чиққан нотиқлар юртимизда амалга оширилаётган хайрли ишлар қаторида диний таълимга бўлган эътибор катта аҳамият касб этаётгани, бунга янги диний таълим муассасалари очилаётгани, мавжудларининг фаолияти доимий равишда такомиллашиб бораётганини алоҳида таъкидлади. Шунингдек, абитуриентларга имтиҳон топшириш тартиб-қоидалари тушунтирилди.
Шундан сўнг абитуриентлар тест синовига тартиб билан киритилиб, имтиҳонлар бошланди. Мазкур жараён адолатли ўтиши учун соҳа мутахассислари билан бир қаторда турли ташкилот вакиллари жалб этилган.
Маълумот ўрнида мазкур охирги 6-ҳудудда Тошкент шаҳрида имтиҳон топширишни танлаган жами 2 524 нафар абитуриент бир неча кун давомида тест синовларида қатнашади. Уларнинг ота-онаси ва яқинларига имтиҳон жараёнини кузатиш ва кутиб туриш учун махсус шароитлар, яъни соя жойларда катта манитор, стол-стул, сув ва ширинликлар ҳозирланган.
Аллоҳ таоло имтиҳонларнинг барча абитуриентларга манфаатли бўлишини насиб айласин!
Баҳриддин Хушбоқов,
Даврон Турсунов (сурат)
Ўзбекистон мусулмонлари идораси Матбуот хизмати
2025 йил 10 июль куни Қуръони Карим ходими, устоз, шайх Алижон қори Файзуллоҳ Махдум бошчилигида «Қуръон ва тажвидни ўргатиш» бўлими ходимлари Ўзбекистон мусулмонлари идораси кутубхонасига ташриф буюришди.
Маълумки, кутубхонада турли мавзудаги нодир қўлёзма асарлар, Қуръони Карим қўлёзма нусхаларининг намуналари сақланади. Мана шундай нодир манбалардан бири Ҳазрати Усмон мусҳафи ҳисобланади. Қуръони Каримнинг ушбу ноёб ва қадимий қўлёзма нусхаси тадқиқотчилар ва кенг жамоатчиликнинг доимий эътиборида бўлиб келган.
Ўзбекистон Республикаси Президенти Шавкат Мирзиёев раҳбарлигида 2023 йил 22 декабрь куни ўтказилган Республика маънавият ва маърифат кенгашининг кенгайтирилган йиғилишида музейлар фаолиятини такомиллаштириш бўйича етти йиллик дастур қабул қилиниши эълон қилинди. Ушбу йиғилиш давомида берилган топшириқлар бўйича 50-сон Баённоманинг 47-бандида Муқаддас китоб – Усмон Қуръони саҳифаларининг консервация ва реставрация қилинишини таъминлаш белгиланган. Мазкур дастурни амалга ошириш мақсадида Ўзбекистон Маданият ва санъатни ривожлантириш жамғармаси қўллаб қувватлови остида хорижлик мутахассислар, жумладан, Кембриж университетидан Кристине Росе, франциялик реставраторлар Акселл Делеау ва Коралие Барбе, Истанбул қўлёзмалар устахонаси ва архив бўлими мудири Нил Байдар Усмон мусҳафини босқичма-босқич таъмирлаш режасини ишлаб чиқиб, келгусида муҳофаза қилиш бўйича тавсияларни бердилар. Жумладан, «енгил реставрация ишлари»ни амалга оширишдан аввал Ҳазрати Усмон Қуръони саҳифаларини сканер қилиш ва матнини кодикологик тадқиқ қилиш бўйича йўналишлар белгилаб олинди.
Ушбу хайрли ишларнинг давоми сифатида Ўзбекистон мусулмонлари идораси кутубхонасида Ҳазрати Усмон Мусҳафи матнини кодикологик тадқиқ қилиш бўйича муҳим йиғилиш бўлиб ўтди. Унда «Қуръон ва тажвидни ўргатиш» бўлими мудири шайх Алижон қори Файзуллоҳ ва Кутубхона мудири Камолиддин Маҳкамов бошчилигида бўлим ходимлари иштирок этишди. Йиғилишда «Мўйи муборак» мадраса-музейида сақланаётган Ҳазрати Усмон Мусҳафининг тарихи ва бугунги кундаги аҳамияти ҳақида сўз юритилиб, уни келажак авлодлар асраб-авайлашга хизмат қиладиган муҳим масалалар муҳокама қилинди. Жумладан, Ҳазрати Усмон Қуръони саҳифалари ва фондда сақланаётган 1905 йилда Санкт-Петербургда олинган нусхасини кодикологик тадқиқ қилиш бўйича таклиф ва мулоҳазалар билдирилиб, келгусида қилинадиган ишлар режалаштирилди.
AlQuranuz
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 