08 Июл, 2025, 13 Муҳаррам, 1447
08 Июл, 2025, 13 Муҳаррам, 1447
“Янги Ўзбекистон фидойиси бўлиб, маънавият тарғиботчисига айланамиз” шиори остида ҳожиларимиз Она Ватанимиз равнақига ҳисса қўшиш, маҳаллалардаги адашганларни тўғри йўлга бошлаш, жамиятда меҳр-оқибатни қарор топтириш, оилаларда тотувликни мустаҳкамлаш, жаҳолатга қарши марифат билан курашиш, ажрим ёқасидаги оилаларни яраштириш, ногиронлиги бўлган ва беморлар ҳолидан хабар олиш каби савоб амалларга ўзларининг ҳиссаларини қўшмоқда.
Қорақалпоғистон мусулмонлари қозиёти қозиси Баҳрамаддин домла Разов ёрдамга муҳтож оилалар ҳолидан хабар олиш, уларга амалий ва моддий ёрдамлар бериш мақсадида Тахиатош туманига ташриф буюрди. Унда туман бош имоми Рафатдин Омирзақов билан бирга тумандаги масжидлардаги шароитлар, ободонлаштириш ишлари билан яқиндан танишди. Масжид қавми ва нуронийлар билан юртимиздаги ислоҳотлар ва соҳага оид масалалар атрофида суҳбатлашди.
Қози домла Тахиатош туманидаги ҳожилар ва имом-хатиблар билан биргаликда тумандаги “Сарай кўл” маҳалласида истиқомат қилувчи 1-гуруҳ ногирони Г.Байрамов ва 2-гуруҳ ногирони Р.Қурбоновлар ҳолидан хабар олди, яқин қариндошлари билан суҳбатлашди. Озиқ-овқат маҳсулотлари тарқатилиб, уларнинг ҳаққига хайрли дуолар қилинди.
Ташриф сўнгида туман бош имомига соҳага оид топшириқ ва кўрсатмалар берилди.
Б.Аббазов,
Қорақалпоғистон мусулмонлари қозиёти ходими
Туркиянинг нуфузли таҳлил маркази ANKASAM (Ankara Kriz ve Siyaset Araştırmaları Merkezi) мамлакатимизда виждон эркинлигини таъминлаш, диний таълимни такомиллаштириш, ислом меросини илмий асосда ўрганиш ва жаҳонга танитишга қаратилган кенг қамровли ишларга юқори баҳо берди.
Туркиянинг нуфузли таҳлил маркази ANKASAM (Ankara Kriz ve Siyaset Araştırmaları Merkezi) Ўзбекистонда сўнгги йилларда диний-маърифий соҳада амалга оширилаётган ислоҳотларга бағишланган таҳлилий мақола эълон қилди.
“Янги Ўзбекистон: Диний соҳадаги ислоҳотларнинг муваффақият формуласи” деб номланган ушбу таҳлилий мақолада мамлакатимизда виждон эркинлигини таъминлаш, диний таълимни такомиллаштириш, ислом меросини илмий асосда ўрганиш ва жаҳонга танитишга қаратилган кенг қамровли ишларга юқори баҳо берилган.
ANKASAMга кўра, Ўзбекистонда қабул қилинган янги сиёсат ва инсон қадрини устувор қиймат сифатида белгилаган ёндашув сўнгги етти йилда диний соҳада чуқур, тизимли ислоҳотларни амалга оширишга пойдевор бўлди. Хусусан, таҳлилчиларнинг томонидан давлат ва дин муносабатларини демократия ва маърифат асосида қайта йўлга қўйиш, диний таълим муассасаларини халқаро андозаларга мос равишда ривожлантириш, илм-фан ва маърифатни ислом дини билан уйғунлаштириш йўлидаги саъй-ҳаракатлар эътироф этилган.
Мақолада айни пайтда Ўзбекистонда фаолият юритаётган Ўзбекистондаги Ислом цивилизацияси маркази, Имом Бухорий ва Имом Мотуридий халқаро илмий-тадқиқот марказлари, Ҳадис илми мактаби, Мир Араб олий мадрасаси, Ўзбекистон халқаро ислом академияси каби муассасаларнинг фаолияти, улар орқали ислом динининг ҳақиқий инсонпарварлик ва маърифий моҳияти кенг ёритилаётгани таъкидланган. Ушбу марказлар фақат диний эмас, балки илмий-тадқиқот, маданий-тарихий меросни сақлаш ва оммалаштириш вазифасини ҳам бажармоқда.
ANKASAM таҳлилига кўра, Янги Ўзбекистонда амалга оширилаётган диний-маърифий ислоҳотларнинг муваффақияти – бу сиёсий ирода, стратегияли ёндашув, илмий асос ва халқаро ҳамкорликни ўзида уйғунлаштирган моделдир. Шу жиҳатдан, Ўзбекистон тажрибаси минтақа давлатлари ва ислом олами учун ўрганишга арзийдиган намуналардан бири сифатида эътироф этилмоқда.
ANKASAM каби халқаро нуфузга эга таҳлил марказлари томонидан бу каби таҳлилий мақолалар эълон қилиниши Ўзбекистонда амалга оширилаётган ислоҳотларнинг очиқлиги, халқаро стандартларга мослиги ва жаҳон ҳамжамияти томонидан эътироф этилаётганини яна бир бор тасдиқлайди.
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 