09 Июн, 2025, 13 Зулҳижжа, 1446
09 Июн, 2025, 13 Зулҳижжа, 1446
Токиодаги Илмий тадқиқот институти раҳбари Масару Эмото сув шунчаки суюқлик эмас, балки тирик материя эканини эълон қилган. Янги илмий кашфиёт бўлган – сув атомларининг кристалланиш назарияси асосчиси Масару Эмото бу хулосага келиш учун 10 мингдан ортиқ фотосуратлардан фойдаланган.
Япониялик тадқиқотчи иккита ёзувни сув идишларига жойлаштириш орқали тажриба ўтказди. Бирида “раҳмат”, иккинчисида эса “сен карсан” деб ёзилган. “Раҳмат” сўзи ёзилган сув гўзал кристаллар ҳосил қилгани аниқланган.
Шунингдек, Доктор Эмото аудиокассетага ёзиб олинган Қуръони карим тиловатини сув яқинига қўйиб, бир қанча тажрибалар ўтказган ва кристалларнинг ҳайратланарли шаклга айланишидан ҳайратда қолган.
Тадқиқотчининг таъкидлашича, “Бисмиллаҳир Роҳманир Роҳийм” деб айтиш таъсирида кристаллар жуда чиройли шаклларга айланади. Аллоҳнинг гўзал исмларидан бири бўлмиш “Ал-Алийм” (Ҳар бир нарсани билувчи)ни ўқиганларида ҳам сув кристаллари гўзал шаклларга айланди, бу эса Аллоҳ таолонинг исмларининг улуғлигидан далолат беради.
Инсон танасининг 70% ортиқ қисмини сув ташкил этишини ҳисобга олсак, бир пиёла сувни бисмиллаҳ, “Ал-Алийм”ни айтиб ёки Фотиҳа сурасини ўқиб ичишга одатлансак, Аллоҳнинг изни билан бир қанча касалликларнинг олдини олган бўламиз, иншаАЛЛОҲ.
Даврон НУРМУҲАММАД
#xabar #haj2025
Бугун кечқурун 15 минг ўзбекистонлик зиёратчилар Маккаи мукаррамадаги меҳмонхоналардан ҳаж ибодатининг асосий амалларини бажариш учун Мино водийсига йўл оладилар.
Айтиш жоизки, бугунги кунгача Ўзбекистон ишчи гуруҳи вакиллари томонидан зиёратчиларимиз улуғ ибодатни бекаму кўст адо этишлари учун Мино, Арофат ва Муздалифа водийларида барча шарт-шароитлар тўлиқ тайёр ҳолатга келтирилган.
Айни мақсадда ишчи гуруҳи ва шифокорларнинг маълум аъзолари мазкур муборак водийларда бир муддат олдин бориб, зиёратчиларимизни кутиб олишга шай бўлиб турибдилар.
Хусусан, бу йил, Ўзбекистон томонининг талабига мувофиқ, Арафот ҳудудидаги чодирлар ёпиқ тарзда барпо этилди. Уларнинг атрофи иссиқ ўтказмайдиган панеллар билан ўралган, совутиш тизими ўрнатилган, гилам ва тўшаклар солинган. Бу ҳозирги ёз кунларида зиёратчиларга қўшимча қулайлик яратади.
Шунингдек, барча шароитларга эга тиббиёт марказлари, 3 маҳал иссиқ овқат ва 24 соат давомида чой ва салқин ичимликлар билан таъминлаш йўлга қўйилади. Арафотда Муздалифада фойдаланиш учун ҳожиларга махсус тўшак ва соябонлар тарқатиш режалаштирилган.
Айни пайтгача соҳа раҳбарлари томонидан ишчи гуруҳи аъзолари, элликбошилар ва шифокорлар жамоасига ҳаж жараёнларини намунали бошқариш, белгиланган тартибларга риоя этиш ва шаръий масалалар ҳақида батафсил тушунтирилди.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа