02 Март, 2026, 13 Рамазон, 1447
02 Март, 2026, 13 Рамазон, 1447
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Аллоҳ таоло айтади: «Куфр келтирганларга, то Аллоҳнинг ваъдаси келгунича, қилмишлари сабабли мудом ларзага солувчи мусибатлар етар ёки уларнинг диёрлари яқинига тушиб турар. Албатта, Аллоҳ ваъдага хилоф қилмас» (Раъд сураси, 31 - оят).
Шарҳ: «Куфр келтирганларга, то Аллоҳнинг ваъдаси келгунича, қилмишлари сабабли мудом ларзага солувчи мусибатлар етар...».
Яъни, Аллоҳнинг ваъдаси - қиёмат келгунча уларнинг эс-ҳушини жойига келтирувчи мусибатлар бошларига тушиб туради. Бу мусибатлар уларнинг қилган ишлари туфайли тушади.
«...ёки уларнинг диёрлари яқинига тушиб турар».
Ёки ўша мазкур эс-ҳушни жойига келтирувчи мусибатлар дунёнинг бошқа жойларига тушади. Ўша кофир ва осий бандалар яшаётган диёрларга яқин жойларга тушади. Токи улар ўша мусибатларни кўриб, ваъз-насиҳат олиб, ўзларига келсинлар ва иймон келтирсинлар.
«Тафсири Ҳилол» китобидан
Ўзбекистон мусулмонлари идораси раиси, муфтий Шайх Нуриддин Холиқназар ҳазратлари Имом Термизий номидаги ислом институти ва таълим муассасалари фаолияти билан танишди
Шу йил 27 февраль куни Ўзбекистон мусулмонлари идораси раиси, муфтий Шайх Нуриддин Холиқназар ҳазратлари Имом Термизий номидаги ислом институти, “Имом Термизий” ўрта махсус ислом таълим муассасаси ҳамда Имом Термизий халқаро илмий-тадқиқот марказида бўлдилар.
Танишув асносида Муфтий ҳазратлари янги барпо этилаётган институт ва мадраса биноларининг қурилиш жараёни, замонавий ўқув хоналари, маъруза заллари, кутубхона, ётоқхона ва маънавий-маърифий тадбирлар ўтказишга мўлжалланган маскан лойиҳаси билан танишди.
Қурилиш ишлари кўздан кечирилиб, масъулларга барпо этилаётган иншоотларда пухталик, замонавийлик ва қулайлик тамойилларига қатъий риоя этиш бўйича тегишли тавсия ва кўрсатмалар берилди.
“Имом Термизий” таълим муассасаси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 