Қачонки Аллоҳ таоло: "Ҳар бир нафс ўлимнинг мазасини тотгувчидир" (Оли Имрон сураси, 185-оят) оятини нозил қилганида, фаришталар: "Биз нафс эмасмиз, балки биз покиза руҳлармиз", дедилар.
Шунда Аллоҳ таоло: "Унинг устидаги (яъни ердаги) барча нарса ҳалок бўлгувчидир" (Раҳмон сураси, 26-оят)ни нозил қилди.
Шунда фаришталар: "Биз ерда эмас, балки осмондамиз", дедилар.
Шунда Аллоҳ таоло: "Ундан ўзга ҳар бир нарса ҳалок бўлгувчидир. Ҳукм Унинг Ўзигагинадир ва фақат Унгагина қайтарилурсиз" (Қасас сураси, 88-оят)ни нозил қилди.
Шунда фаришталар Роббиларига сажда қилиб: "Фақат Унинг Ўзи абадийдир", деб тасбиҳ айтдилар.
Ҳомиджон домла ИШМАТБЕКОВ
Жорий йилнинг 10 июн куни Ўзбекистон мусулмонлари идораси Самарқанд вилояти вакиллиги ташаббуси билан Тайлоқ туманида навбатдаги сайёр йиғилиш ўтказилди.
Тадбирлар олдидан вилоят бош имом-хатиби ўринбосари Хайрулло домла Саттаров ишчи гуруҳ аъзолари билан учрашиб, керакли кўрсатма ва топшириқларни берди.
Хайрулло домла Сатторов ҳамда Тайлоқ тумани бош имом-хатиби Бобур Нарзуллаев ҳамроҳлигида туман марказидаги “Тайлоқ ота” жоме масжиди жойлашган ҳудуддаги бемор ва ногиронлиги бор оилалар ҳолидан хабар олиниб, моддий-маънавий кўмаклар кўрсатилди.
Ўзбекистон мусулмонлари идораси
Матбуот хизмати