10 Март, 2025, 10 Рамазон, 1446
10 Март, 2025, 10 Рамазон, 1446
“Вақф” хайрия жамоат фондининг Самарқанд вилояти филиали вакиллари муборак Рамазон ойи муносабати билан ижтимоий қийналган инсонларга меҳр-мурувват кўрсатиш, моддий-маънавий кўмак бериш баробарида улар ҳолидан хабар олишди.
Филиал раҳбари ташаббуси билан ҳомийларни жалб қилган ҳолда Самарқанд шаҳрида истиқомат қилиб келаётган 15 нафар турли сабабларга кўра ижтимоий вазияти ночор, боқувчиси йўқ ва бемор кимсалар ҳолидан хабар олинди. Шу куни улар яшаётган хонадонларга кириб борилиб, кундалик зарурий озиқ-овқат маҳсулотларидан иборат хайрия жамланмалари топширилди. Мухтожларнинг дуоси олинди.
....
Ўзбекистон кўпмиллатли давлат ҳисобланади. Азал-азалдан юртимизда турли миллат вакиллари тинчлик-хотиржамликда умгузаронлик қилиб келмоқда. Айни саховат ва бағрикенглик ойида ислом динига эътиқод қилувчи юртдошларимиз қаторида бошқа миллат ва дин вакиллари ҳам Рамазон хайр-саховати, шукуҳидан бебаҳра қолмаяпти.
Жумладан, яқинда Жиззах вилояти ҳокимлиги, Ўзбекистон мусулмонлари идораси вилоят вакиллиги ҳамда “Вақф” хайрия жамоат фонди вилоят филиали ҳамкорлигида ташкил этилган хайрия тадбирлари давомида Жиззах шаҳрида яшовчи ногирон, боқувчисини йўқотган, кам таъминланган, ижтимоий ҳимояга муҳтож ўзга дин вакилларига мурувват кўрсатилди. Ҳомийларни жалб қилган ҳолда кўплаб эҳтиёжманд кишиларга озиқ-овқат маҳсулотлари хайрия қилинди. Икки нафарига дам олиш масканига йўлланма берилди.
Набий алайҳиссалом ҳар бир кишининг қайси динга мансублигидан қатъи назар, аввало, унинг инсонлиги учун одамийлик нуқтаи назаридан ҳурмат қилиш лозимлигини таъкидлаганлар. Абдураҳмон Абу Лайло ривоят қиладилар: «Бир куни Расулуллоҳ соллаллоҳу алайҳи ва салламнинг ёнларидан одамлар тобут кўтариб ўтишди. Шунда у зот ўринларидан турдилар. Кейин саҳобалар унинг яҳудий эканини айтишди. Шунда Расулуллоҳ: “У руҳ эгаси – инсон эмасми?!” дедилар».
Хайрия тадбирлари давом этмоқда.
Рамазон ойида ижтимоий ҳимояга муҳтож инсонларга илиқлик улашган, уларга ғамхўрлик кўрсатган саховатли ҳомийлардан Аллоҳ рози бўлсин!
Ўзбекистон мусулмонлари идораси
Матбуот хизмати
Рамазон ойи давомида бир гуруҳ уламолар, имом-домлалар ва моҳир қорилар чет элдаги ватандошлар билан маърифий суҳбатлар қилиш, Рамазони шариф билан қутлаш, уларнинг диний саволларига жавоб бериш ҳамда таровеҳ намозида иштирок этиш мақсадида АҚШ, Россия Федерацияси, Жанубий Корея сингари мамлакатларда хизмат сафарида бўлиб турибдилар.
Ўзбекистон мусулмонлари идораси Масжидлар бўлими мудири Музаффар домла Камолов, Хоразм вилояти бош имом-хатиби Хайрулло домла Абдуллаев, Фарғона вилояти Қувасой шаҳар “Ислом” масжиди имом-хатиби Алишер домла Наимов, , Тошкент шаҳар Олмазор тумани “Имом ат Термизий” масжиди имом-хатиби Яҳё домла Абдурахмонов, Тошкент шаҳар Юнусобод тумани “Юнус ота” масжиди имом ноиби Жамолиддин домла Қодиров, Андижон шаҳар “Чинор” масжиди имом-хатиби Авазбек домла Мўминов, Андижон тумани “Усмони Зиннурайн” масжиди имом-хатиби Фазлиддин домла Абдуллаев Жанубий Кореянинг Сеул, Ченгжу, Мокпо, Даегу каби шаҳарларидаги тадбирларда қатнашиб, манфаатли суҳбатлар ўтказмоқдалар.
АҚШнинг Нью-Йорк, Филадельфия, Орландо, Цинциннати, Чикаго, Нью-жерси шаҳарларидаги ватандошлар Тошкент шаҳар “Сирож солиҳ” масжиди имом-хатиби Ҳасан домла Қодиров, Тошкент шаҳар “Шайх Муҳаммадсодиқ Муҳаммадюсуф” масжиди имом-хатиби Исмоил домла Муҳаммад Содиқ, Андижон вилояти “Эски Гумбаз” масжиди имом-хатиби Ботир домла Тожибоев, Тошкент шаҳар “Фирдавс” масжиди имом-хатиби Бахтиёр домла Сатторов, Наманган шаҳар “Мулла Бозор Охунд” масжиди имом-хатиби Зохиджон домла Номонов, Тошкент шаҳар “Ҳазрати Умар” масжиди имом-хатиби Фазлиддин домла Мамадалиев, Самарқанд вилояти “Хўжа Абду Дарун” масжиди имом-хатиби Зафар домла Маҳмудов, Фарғона вилояти “Хўжа Абдуллоҳ” масжиди имом-хатиби Абдувоҳид домла Мансуралиевнинг маърузалари ва хатми Қуръонларига сомеъ бўлмоқдалар.
Мана шундай тадбирлар Россия Федерациясининг Магандан ва Хабарский каби ҳудудларига ишлаш, таълим олиш учун борган ватандошларимиз учун ҳам ташкил этилмоқда. Ушбу минтақалардаги учрашувларда Наманган вилояти “Мулла Абдуқодир” масжиди имом-хатиби Музаффар домла Ибрагимов, Тошкент шаҳар Чилонзор тумани “Чоштепа” масжиди имом-хатиби Ҳакимжон домла Хотамов иштирок этмоқда.
Сафар давомида диний соҳа ходимлари ватандошлар билан мулоқотларда Ислом дини қадриятлари, Рамазон ойи фазилатлари, она-Ватанга муҳаббат ва бузғунчи ғояларга алданмаслик каби мавзуларда ҳам суҳбатлар қилмоқдалар.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 