Сайт тест ҳолатида ишламоқда!
18 Март, 2025   |   18 Рамазон, 1446

Тошкент шаҳри
Бомдод
05:12
Қуёш
06:30
Пешин
12:36
Аср
16:45
Шом
18:36
Хуфтон
19:49
Bismillah
18 Март, 2025, 18 Рамазон, 1446
Янгиликлар

Туркиядан муносабат: Ўзбекистон Имом Мотуридий таълимотига катта эътибор қаратмоқда

17.03.2025   3373   2 min.
Туркиядан муносабат: Ўзбекистон Имом Мотуридий таълимотига катта эътибор қаратмоқда

Анқара университети профессори, мотуридийшунос олим Сўнмез Кутл (Туркия) "Дунё" АА учун интервьюсида Ўзбекистон Президентининг 2025 йил 14 мартдаги "Имом Мотуридий таваллудининг 1155 йиллигини кенг нишонлаш тўғрисида"ги қарори ҳақидаги фикрларини билдирди:
 

– Бугун жуда ҳам қувончли хабар эшитдим. Ўзбекистон Президенти Шавкат Мирзиёев "Имом Мотуридий таваллудининг 1155 йиллигини кенг нишонлаш тўғрисида" қарор қабул қилгани, шу муносабат билан кўплаб илмий-маданий тадбирлар, жумладан, "Мотуридийлик – бағрикенглик, мўътадиллик ва маърифат таълимоти" мавзусида халқаро анжуман ўтказилиши мени бағоят мамнун қилди.

 

Президент Шавкат Мирзиёев ханафий-мотуридий таълимоти атрофида бирлашган туркий давлатлар етакчилари орасида Имом Мотуридий ва мотуридийлик таълимотига энг катта эътибор қаратиб келаётган давлат раҳбари сифатида алоҳида ажралиб турибди. Бунинг учун мен мамлакатингиз раҳбарига самимий миннатдорлик билдираман.

 

Имом Мотуридий Аллоҳ таоло томонидан инсониятга берилган энг улуғ инъом, бебаҳо туҳфадир. Зотан, у бағрикенглик ва мўътадилликка асосланган қарашлари, маърифий ғоялари билан нафақат ислом цивилизациясига, балки умумбашарий тамаддунга бебаҳо ҳисса қўшган буюк алломадир. Унинг тафаккури марказида инсон эрки, ақл ва илм туради.

 

Аллоҳ таоло инсонни энг гўзал суратда яратган. Инсон ҳурмат ва эҳтиромга лойиқ мавжудотдир. Барча инсонлар Одам Атонинг фарзандлари бўлгани сабабли, инсонийлик жиҳатидан ўзаро биродар ҳисобланадилар. Улар орасидаги мусулмонлар динда ҳам биродардирлар. Инсонларнинг ўзаро устунлиги ахлоқий фазилатлар, таълим-тарбия билангина ўлчанади.

 

Президент Шавкат Мирзиёевнинг Имом Мотуридий таваллудини кенг нишонлаш ҳақидаги қарори алломаларга юксак эҳтиром ифодаси ўлароқ ёш авлодни мутаассиб оқимлар таъсирига тушиб қолишининг олдини олишга ҳам хизмат қилади. Зеро, X асрда мўътадил таълимотни инсониятга тарғиб қилган Имом Мотуридийни хотирлаш орқали бугун жамиятда ҳар қачонгидан ҳам кўпроқ эҳтиёж сезилаётган тинчлик, бағрикенглик, мўътадиллик маданиятини таъминлаш сари муҳим қадам қўйилади.

 

Умрининг катта қисмини Имом Мотуридий ҳаёти ва илмий меросини ўрганишга бағишлаган бир инсон сифатида мен бу борада ҳар қандай вазифага ҳисса қўшишни шараф, деб биламан. 

"Дунё" АА

Ўзбекистон янгиликлари
Бошқа мақолалар
Янгиликлар

Мадраса талабалари ўртасида Қуръон мусобақаси ўтказилди

18.03.2025   643   1 min.
Мадраса талабалари ўртасида Қуръон мусобақаси ўтказилди

Шу йил 17 март куни “Саййид Муҳйиддин махдум” ўрта махсус ислом таълим муассасасида март ойи “Қуръони карим ва тажвид” фани ойлиги муносабати билан Қуръон мусобақаси бўлиб ўтди. 


Мусобақа икки босқичда: мадрасанинг мураттаб ва мужаввид қорилари иштирокида ўтказилди. Уларнинг чиқишини Билим юртининг мударрисларидан иборат ҳакамлар ҳайъати баҳолаб борди. 


Якуний натижаларга кўра ҳифз йўналишида:  

1-ўрин 2-курс талабаси Муҳаммадамин қори Олимжонов; 
2-ўрин 1-курс талабаси Достонбек қори Содиқов; 
3-ўрин 2-курс талабаси Абдураҳмон қори Қамариддиновга насиб этди. 


Тиловот йўналишида эса:  
1-ўрин 3-курс 86-гуруҳ талабаси Муҳаммадали қори Абдураҳимов;
2-ўрин 4-курс 84-гуруҳ талабаси Султонбек қори Дудинов; 
3-ўрин 4-курс талабаси Абдуқодир қори Муҳаммадаминов муносиб деб топилди.


Мусобақа охирида ғолиб ва иштирокчиларга ҳомийларнининг қимматбаҳо ва эсдалик совғалари топширилди. 

Ўзбекистон мусулмонлари идораси
Матбуот хизмати

Мадраса талабалари ўртасида Қуръон мусобақаси ўтказилди Мадраса талабалари ўртасида Қуръон мусобақаси ўтказилди Мадраса талабалари ўртасида Қуръон мусобақаси ўтказилди Мадраса талабалари ўртасида Қуръон мусобақаси ўтказилди Мадраса талабалари ўртасида Қуръон мусобақаси ўтказилди Мадраса талабалари ўртасида Қуръон мусобақаси ўтказилди Мадраса талабалари ўртасида Қуръон мусобақаси ўтказилди Мадраса талабалари ўртасида Қуръон мусобақаси ўтказилди Мадраса талабалари ўртасида Қуръон мусобақаси ўтказилди Мадраса талабалари ўртасида Қуръон мусобақаси ўтказилди Мадраса талабалари ўртасида Қуръон мусобақаси ўтказилди Мадраса талабалари ўртасида Қуръон мусобақаси ўтказилди
Ўзбекистон янгиликлари