25 Октябр, 2025, 3 Жумадул аввал, 1447
25 Октябр, 2025, 3 Жумадул аввал, 1447
Жорий йилнинг 6 май куни Мир Араб олий мадрасасида Ўзбекистон мусулмонлари идораси тизимидаги диний таълим муассасалари раҳбарлари иштирокида йиғилиш бўлиб ўтди.
Унда Дин ишлари бўйича қўмита раисининг биринчи ўринбосари Д.Махсудов, Ўзбекистон мусулмонлари идораси раиси ўринбосари М.Муҳаммадсидиқов, диний таълим муассасалари раҳбарлари иштирок этди.
Йиғилишда таълим соҳасини янада яхшилаш, кадрлар салоҳиятини ошириш, ўқув-меъёрий ва услубий жиҳатдан такомиллаштириш, мавжуд фанларни, хусусан ижтимоий-гуманитар ва фанларни ўқитиш сифатини юқори босқичга олиб чиқиш, ўқитувчилар методологиясини мустаҳкамлаш, маънавий-маърифий ишларни кучайтириш каби масалалар муҳокама қилинди.
Мажлис давомида таълим муассасалари мисолида амалга оширилиш лозим бўлган масалалар ўртага ташланиб, мавжуд муаммоларни бартараф этиш чоралари бўйича таклиф ва тавсиялар берилди.
Жорий йилнинг 21-22 октябрь кунлари Ўзбекистон мусулмонлари идораси раиси, муфтий Шайх Нуриддин Холиқназар ҳазратларининг ташаббуси билан Қорақалпоғистон Республикаси ва вилоятлар диний соҳа ходимлари ўртасида мини-футбол бўйича «Муфтий соврини – 2025» мусобақаси бўлиб ўтгани ҳақида ижтимоий тармоқлар орқали хабар берган эдик.
Бугун, Қорақалпоғистон Республикасидаги марказий «Имом Эшон Муҳаммад» жоме масжидида ушбу мусобақа ғолибларини тақдирлаш маросими бўлиб ўтди. Маросимда Қорақалпоғистон Республикаси Спорт вазири Е.Қутибоев, Вазирлар Кенгаши котибият мудири Ж.Юсупов, Қорақалпоғистон мусулмонлари қозиёти қозиси Б.Разов, «Муҳаммад ибн Аҳмад ал Беруний» мадрасаси директори Ж.Абдираззақов, қозият, мадраса ходимлари ва имом-хатиблар иштирок этди.
Қорақалпоғистон Республикаси Спорт вазири Е.Қутибаев, Қорақалпоғистон мусулмонлари қозиёти қозиси Б.Разов мусобақа иштирокчиларини ғалаба билан табриклаб, келгуси ишларида муваффақиятлар тилади.
Қорақалпоғистон мусулмонлари қозиёти томонидан ғолибларга эсдалик совғалар берилди.
Қорақалпоғистон мусулмонлари қозиёти.
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 