Ҳадис илми мактаби қошидаги "Қуръони карим ва тажвид" ўқув курсида таҳсил олган 51-давра тингловчилари уч ойлик сабоқ олиш машғулотларини муваффақиятли якунладилар.
Шу муносабат билан тингловчиларга махсус сертификатлар топширилди. Тадбирда Ҳадис илми мактаби мутасадди раҳбарлари иштирок этиб, тингловчиларга Қуръон тиловати ва илм йўлида лозим бўладиган муҳим тавсияларини беришди.
Шунингдек, "Кўкалдош" ўрта махсус ислом билим юрти қошидаги "Қуръони карим ва тажвид" ўқув курсининг навбатдаги 57-давра машғулотлари ҳам якунланди.
Ўзбекистон мусулмонлари идораси
Матбуот хизмати
Фарғона вилоятида «Вақф» хайрия жамоат фондининг вилоят филиали томонидан икки юзга яқин эҳтиёжманд оилалар учун хайрия тадбирлари ташкил этилди. Бу жараёнда кам таъминланган оилаларга кўмир, иссиқ кийим-кечак, пойабзал, электр иситгичлар, озиқ-овқат маҳсулотлари ва уй-рўзғор учун маиший техникалар тақдим этилди. Шунингдек, ҳомийларимиз томонидан боқувчиси йўқ оилаларда вояга етаётган болажонларга тўкин дастурхон ёзилиб, кабобхўрлик ташкил этилди.
Қиш мавсумида янги полиз маҳсулотлари ва сархил мевалар, иссиқ кийимлар, айниқса совуқ кунларда асқатадиган кўмир билан эҳтиёжманд оилаларга илиқлик улашган, уларни хурсанд қилган барча ҳомийлардан, саховатпеша фуқароларимиздан Аллоҳ рози бўлсин.
Хайрия тадбирларининг юқори ташкилотчилик ва меҳр-мурувват билан ўтказилишига ўз ҳиссасини қўшган барча иштирокчилар, кўнгиллиларни Ўзи улкан ажр-савоблар билан мукофотласин!
Vaqf.uz