30 Сентябр, 2025, 8 Рабиъус сони, 1447
30 Сентябр, 2025, 8 Рабиъус сони, 1447
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Падари бузрукворим Мавлоно муфтий Муҳаммад Шафеъ Усмоний қуддиса сирруҳ Покистон муфтий Аъзами эдилар. У кишининг бутун ҳаётлари ўқиш ва ўқитиш ила ўтди. Дорул улум Девбандда таълим олдилар ва ўша ерда таълим бердилар. У ердаги «Дорул ифто»нинг бош муфтийси бўлдилар.
Бир куни: «Мен қачонки, бир жойга кетаётган бўлсам ва қаердадир воиз ваъз айтаётгани, насиҳат қилаётганини кўрсам, қанчалик шошмайин, бир муддат бўлса ҳам, унинг гапини эшитиш учун тўхтайман. Эҳтимол, Аллоҳ таоло унинг тилига мен учун фойдали бўлган нарсани жорий қилиб қўяр», дедилар.
Бу гапни ким айтяпти? Покистон муфтий Аъзами ҳузурига эртаю кеч одамлар дин ўрганиш учун келадиган, ҳатто уламолар муаммоларини ҳал қилиш учун мурожаат қиладиган инсон айтяпти! Илм талаби мана шудир. Ваҳоланки, одатда, ваъз айтаётган воизлар ёши кичик, у кишининг шогирдлари ёки шогирдларининг шогирдлари бўлар эди. Лекин «Шояд унинг оғзидан мен билмаган ва менга фойдаси бўлган бирор нарсани Аллоҳ таоло эшиттирса», деган мақсадда бироз бўлса-да, кутиб турар эдилар».
«Насиҳатлар гулдастаси» китобидан
27 сентябр куни Ўзбекистон мусулмонлари идорасининг Наманган вилоят вакиллигида Наманган вилояти бош имом-хатиби Мусохон домла Аббосиддинов раҳбарлигида Ўзбекистон мусулмонлари идораси тизимидаги олий ва ўрта махсус ислом таълим муассасаларининг 2024-2025 ўқув йили битирувчилари билан учрашув ўтказилди. Унда Наманган шаҳар ва туманлар бош имом-хатиблари, битирувчилар ишга юборилаётган масжидлар имом-хатиб ва мутаваллилари иштирок этдилар.
Учрашув аввалида битирувчиларни ишга тайинлаш тўғрисидаги Ўзбекистон мусулмонлари идораси буйруғи ўқиб эшиттирилди. Шундан сўнг ёшларга тараққиётимизнинг янги босқичида юртимизда ислом дини равнақи йўлида кенг имкониятлар очилгани, диний соҳа ходимларининг ижтимоий ҳаётда фаол иштирок этишлари учун кенг имкониятлар яратилгани айтиб ўтилди.
Шунингдек, уларга бугунги кун диний соҳа ходими замонга зийраклик билан қараши, ўзининг устида мунтазам ишлаши, касбий ва маънавий малакасини ошириши, жамоатчилик билан самарали ишлаш кўникмаларини ривожлантириш юзасидан тавсиялар берилиб, келгуси фаолиятларига Яратгандан зафарлар тиланди.
Ўзбекистон мусулмонлари идораси раҳбариятининг тавсиясига биноан янги ишга тайинланган имомлар вилоят бош имом-хатиби, вилоят бош имом-хатибининг ўринбосарлари ва туман-шаҳар бош имом-хатиблари томонидан масжид жамоасига таништирилиши режалаштитрилган. Бизни кузатишда давом этинг, имом домлаларни таништирув тадбирларини ёритиб борамиз.
Наманган вилояти вакиллиги
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа