Sayt test holatida ishlamoqda!
29 Aprel, 2025   |   1 Zulqa`da, 1446
search icon
Avvalgi sayt
ЎЗ РУ EN AR

Toshkent shahri
Tong
03:55
Quyosh
05:23
Peshin
12:25
Asr
17:15
Shom
19:21
Xufton
20:44
Bismillah
29 Aprel, 2025, 1 Zulqa`da, 1446
Avvalgi sayt
#search
 YouTube

Ustoz yodi

16.11.2021   2683   2 min.
Ustoz yodi

Jome masjidimizning muazzini, xushovoz hofizi Qur'on – Nurullloh qori domlamizning akalari – Namangan shahar, “Shodibek” jome masjidi imom noibi, olim va hofizi Qur'on – Ahmadali domla Ubaydullayev vafot etgani munosabati bilan ta'ziya uchun qutlug' xonadonlariga borib, marhumning yaqinlariga ta'ziya izhor etdik va Qur'on tilovati ortidan duolar qildik.

Sobiq muazzinimiz, marhumning katta ukalari Yunusjon qori domlamiz ko'zlarida yosh bilan quyidagilarni so'zlab berdi:

"Qori akam bilan janoza namoziga ketayotgan edik. Akam menga "Janozaga kech qolmaylik, Yunusjon!" dedilar va biroz vaqt o'tar-o'tmas toblari qochib qoldi. Shu bois ularni to'g'ri uyga olib keldim. Akam menga qarab: "Yunusjon, qo'limdan tut!" dedilar. Ularning qo'llarini tutishim bilan: "Ashhadu allaa ilaha illallohu va ashhadu anna Muhammadan 'abduhu va rosuluhu”, deya shahodat ila omonatlarini topshirdilar...

Amaldagi muazzinimiz, marhumning kichik ukalari Nurulloh qori domlamiz quyidagi holatni so'zlab berdi: "Dafndan keyin bir kishi oldimizga keldi va ta'ziya izhor etib, shunday so'zlarni aytdi: "Uxlab yotgan edim, tushimda bir qancha mo''tabar olimlar davrasida o'tirgan ekanman. Shunda kimdir menga: "Jannat ahlining janozasiga bormaysanmi?" dedi. Uyqudan turib so'rab bilsam, qori domlamiz vafot topgan ekanlar. Avtoulovimni ikki kilometr masofa nariga amallab joylab, janozaga etib keldim. Aslida men ularni deyarli unchalar yaxshi tanimayman, yo'lim tushganida ortlarida atigi besh marotaba juma namozini o'qiganman. Shu so'zni Sizlarga aytmasdan keta olmadim"...

So'zlari davomida muftiyimiz Nuriddin domla Holiqnazarov hazratimiz ham alohida telefon orqali ta'ziya izhor etib, xayrli duolar qilganlarini mamnuniyat ila bildirdilar.

Alloh taolo barchamizga xayrli va go'zal xotima nasib etsin, olim va hofizi Qur'on – Ahmadali domlamizni Alloh taolo O'z rahmatiga musharraf etsin!

 

Nurali MAVLANOV,

"Abu Bakr Siddiq" jome masjidi imom-xatibi

Maqolalar
Boshqa maqolalar
Maqolalar

100 ta sirli ibora (4-qism)

28.04.2025   2004   3 min.
100 ta sirli ibora (4-qism)

100 ta SIR-ASRORLI IBORA

yoxud

ODAMLAR BILAN

MULOQOT (oila, uy, ishxona, jamoat joylari) DAGI

100 ta “SЕHRLI SO‘Z”ni

ULUG‘  USTOZ  ULAMOLARIMIZ  bayon  qilib  berganlar:

(4-qism)

  1. Assalomu alaykum!
  2. Katta rahmat Sizga!
  3. Umrbod minnatdorman Sizdan!
  4. Umringiz uzoq bo‘lsin!
  5. Xo‘p bo‘ladi!
  6. Ming bor uzr so‘rayman Sizdan!
  7. Kechirasiz!..
  8. Sizdan kechirim so‘rayman!
  9. Mendan o‘tdi! Uzr so‘rayman! Kechiring!
  10. Siz nima desangiz – shu!
  11. Sizning gapingiz – men uchun qonun!
  12. Sizning gapingiz – biz uchun qonun!
  13. Labbay?!?
  14. Eshitaman?!?
  15. Amringizga muntazirman!
  16. Minnatdorman!
  17. Juda to‘g‘ri aytdingiz!
  18. To‘g‘ri aytasiz!
  19. Gapingiz nihoyatda to‘g‘ri!
  20. Fikringiz juda ma’qul!
  21. Iltimos Sizdan, kechiring!..
  22. Iltimos, meni kechiring!..
  23. To‘g‘ri aytdingiz!
  24. Sizni juda yaxshi tushunib turibman!
  25. Qo‘llaringiz dard ko‘rmasin!
  26. Sizga gap yo‘q!
  27. Juda chiroyli!
  28. Juda-juda ma’qul!
  29. Bu ham yaxshilikka!
  30. Bunda ham bir hikmat bor!..
  31. Muammo yo‘q!
  32. Hech qanday muammo yo‘q!
  33. Hech qanday e’tirozim yo‘q!
  34. Ovora bo‘lmang!
  35. Aslo ovora bo‘lmang!
  36. Hecham ovora bo‘lmang!
  37. Sizni ovora qilganim uchun ming bor uzr so‘rayman Sizdan!
  38. Hijolat bo‘lmang!
  39. Yaxshi kunlaringizda qaytaraylik!
  40. To‘ylaringizda qaytaraylik!
  41. Doim xizmatlaringizdamiz!
  42. Ko‘nglingiz to‘q bo‘lsin!
  43. Xudo xohlasa, hammasi yaxshi bo‘ladi!
  44. Boringizga shukr!
  45. Ming bor uzr!
  46. Ming bor-ming bor uzr!
  47. Zo‘r chiqibdi, yarashibdi!
  48. Ming bor-ming bor uzr so‘rayman sizdan!
  49. Men xato qildim, uzr, kechirasiz!
  50. Aybimni tan olaman, kechirasiz!
  51. Uzr-uzr-uzr!
  52. Ikkinchi unday qilmayman, kechiring!
  53. Boshqa takrorlanmaydi, kechirasiz!
  54. Bir qoshiq qonimdan keching!
  55. “Bunda ham bir hikmat bor...” deyiladi-yu o‘zi...
  56. Katta iltimos Sizdan!
  57. Bilmay qolibman, uzr, kechirasiz!
  58. O‘tinib so‘rayman Sizdan!
  59. Mana shu xislatingizga tan beraman-da!
  60. Shu fe’lingizga gap yo‘q-da!
  61. Sizdan rosa ham minnatdorman!
  62. Tashakkurlarim Sizga!
  63. E’tiboringiz uchun katta rahmat Sizga!
  64. Sizga katta rahmat mehrli e’tiboringiz uchun!
  65. Mehrli e’tiboringiz uchun Sizga katta rahmat!
  66. Siz nima desangiz – shu!
  67. Siz qanday aytsangiz, xuddi shunday bo‘ladi!
  68. Bajaramiz! Xo‘p bo‘ladi!
  69. Zo‘r!
  70. Juda-juda zo‘r!
  71. Gap yo‘q!
  72. Qoyil!
  73. Juda ajoyib!
  74. Juda ham chiroyli!
  75. Mutlaqo gap yo‘q!
  76. Sizga yoqsa – bo‘ldi!
  77. Sizga yoqqani – bizga yoqqani!
  78. Ana endi ko‘ngildagiday bo‘ldi!
  79. Mana endi xotirjam bo‘ldim!
  80. Xizmatingizdaman!
  81. O‘zingizni ehtiyot qiling!
  82. Doim sog‘-omon bo‘ling!
  83. Hormang!
  84. Juda xursand bo‘ldim!
  85. Men Sizdan kechirim so‘rayman!
  86. Zo‘r chiqibdi!
  87. Juda ham zo‘r chiqibdi!
  88. Oldindan katta rahmat Sizga!
  89. Umuman gap yo‘q!
  90. Gap bo‘lishi mumkin emas!
  91. Sizning hurmatingiz biz uchun cheksiz!
  92. Sizning hurmatingiz men uchun cheksiz!
  93. Tarbiyangizga qoyil qoldim!
  94. Sizga tarbiya bergan Ota-onangizga ming rahmat!
  95. Tan berdim!
  96. Tan bermasdan iloji yo‘q!
  97. Ofarin!
  98. Uzr! Uzr! Uzr!
  99. Meni kechiring, iltimos Sizdan!
  100. Ming-ming-ming bor kechirim so‘rayman Sizdan!

                          Chegarasi yo‘q) ...

*SIZ yana qo‘shishingiz mumkin...

**ENG muhimi:  jumlalarni O‘Z VAQTIDA va O‘Z O‘RNIDA ishlatish !!!

***ENG asosiysi:  ushbu so‘zlar faqat TILdan emas, balki DIL (!) dan chiqsagina SIR-ASRORLI va “SЕHRLI” bo‘ladi...  

Mehribon Parvardigorimiz o‘zlarimizni ham, farzand-zurriyotlarimizni ham O‘zi buyurgan, Janobi Payg‘ambarimiz sallallohu alayhi vasallam tavsiya etgan, o‘tmishda o‘tganlarimizning ruhlari shod bo‘ladigan, xalqimiz xursand bo‘ladigan, ota-onalarimiz rozi bo‘ladigan yo‘llardan yurishimizni nasib etsin! 

Ibrohimjon domla Inomov

Ibratli hikoyalar
#logo