Parijdagi arab madaniyati ko'rgazmasida Qur'oni Karimning nodir qo'lyozmalari taqdimoti turli mamlakatlardan tashrif buyuruvchilarda katta qiziqish uyg'otdi. Bu haqda «Al-Arabiya» nashri xabar berdi.
Qo'lyozma stendida hijriy 5-asrga oid Qur'oni Karimning maxsus zarhal bezaklarga ega nusxasi, shuningdek, hijriy 580 yilda yozilgan arab tilidagi tibbiy kitoblar o'rin olgan.
Bundan tashqari, ushbu ko'rgazmada islomiy va tarixiy asarlarning boshqa qo'lyozmalari ham namoyish etildi. Tarixiy qo'lyozmalar tashrif buyuruvchilar, tadqiqotchilar va ixlosmandlarning e'tiborini tortdi.
Saudiya Arabistoni Tashqi ishlar vazirligiga qarashli madaniy tashkilot va muassasalar ishtirok etgan Saudiya Arabistoni madaniyat ko'rgazmasi 28 oktyabr' kuni boshlangan va 10 noyabrgacha davom etadi.
Toshkent islom institutining 1-kurs talabasi Biloliddin Ibrohimjonov 30 pora Qur’oni karimni bir kunda yoddan o‘qib berdi.
Qur’oni karimni o‘qish jarayonini "Qur’on ilmlari" kafedrasi o‘qituvchilari Jahongir qori Ne’matov, Valixon qori Azimboyev, Abdulbosit qori Qobilov, Habibullo qori Olimjonov va boshqa ustoz hamda talabalar kuzatib bordilar.
Ushbu natijani taqdirlash uchun 5 dekabr kuni tadbir tashkil qilindi. Tadbirda Toshkent islom instituti rektori Uyg‘un domla G‘afurov, prorektor Yoqubjon domla Buxorboyev, kafedra mudirlari Soatmurod domla Primov va Jahongir qori Ne’matov hamda institutning boshqa ustoz va talabalari ishtirok etishdi.
Toshkent islom instituti
Matbuot xizmati