Sayt test holatida ishlamoqda!
29 Noyabr, 2025   |   8 Jumadul soni, 1447
search icon
Avvalgi sayt
ЎЗ РУ EN AR

Toshkent shahri
Tong
06:03
Quyosh
07:27
Peshin
12:16
Asr
15:14
Shom
16:59
Xufton
18:17
Bismillah
29 Noyabr, 2025, 8 Jumadul soni, 1447
Avvalgi sayt
#search
 YouTube

Nishonga urilgan gaplar: O'lim qanchadan-qancha takabbur odamlarning boshlarini chuqurga, ya'ni qabrga uloqtirgan

27.01.2021   2186   3 min.
Nishonga urilgan gaplar: O'lim qanchadan-qancha takabbur odamlarning boshlarini chuqurga, ya'ni qabrga uloqtirgan

O'z va'dasida turmaganda turli-tuman vaj-karsonlar ko'rsatuvchi kimsa hech qachon mard va himmatli inson bo'lolmaydi.

Mahmud az-Zamaxshariy

***

Kimda ikki xislat bo'lsa, Alloh uni sevadi:
1. Taqvo.
2. Go'zal xulq.

Kimda ikki xislat bo'lsa, odamlar uni sevishadi:
1. Saxovat.
2. Yaxshi amallarni ko'paytirish.

Arab hikmatlaridan

***

Zulm – bunyodkorlik va taraqqiyotni barbod qilishga chaqiruvchi jarchidir.

Ibn Haldun

***

 

Donishmand bilan qurilgan birgina suhbat bir oylik mutolaadan afzaldir.

Sharq hikmatlaridan

***

Sizni tark etgan insonlarni aslida siz tark etgan bo'lasiz.

Men seni juda yaxshi bilaman deysizmi? Oh-ho! Siz avliyo ekansizku. Aytingchi, men kecha nimadan hayratlandim, bugun nimadan aziyat chekyapman, nimalar mening dilimni vayron qilmoqda, qalbimda nimalar yashiringan..?

Sayyid Abror Umar

***

Yaxshilik qil, jahon yaxshilik olsin,
Yaxshilar boshiga yaxshilik solsin.
Mol-dunyo barchadin - sendan ham qolur,
Yaxshisi mol emas, yaxshilik qolsin.


Abdurahmon Jomiy

 

***

 

«Yaxshilik va taqvo yo'lida hamkorlik qiling. Gunoh va dushmanlik yo'lida hamkorlik qilmang». 

(Moida surasi, 2-oyat)

 

***

 

Manbalar asosida Saidabror Umarov tayyorladi

Maqolalar
Boshqa maqolalar

Sehrgarning zulmi

28.11.2025   7184   1 min.
Sehrgarning zulmi

Sehrgar o‘z sehri orqali turli gunoh va zulmlarni amalga oshiradi. Sehrgar qanchadan-qancha odamlarni Allohdan o‘zgaga qurbonlik qilishga yoki tumor taqishga yo g‘aybdan kelgan xabarlarga ishonishga buyurib, adashtirdi?!

Sehrgar ko‘plab baxtli uylarni vayron qildi, qanchadan-qancha ahil juftliklarni bir-biridan ayirib, baxtiyor oilalardagi yosh bolalarni tirik yetim qildi. Go‘daklar u tufayli hayotning achchiq-chuchugini totdilar?!

Sehrgar odamlarga yana qancha tashvishlar keltirdi?!

Qanchadan-qancha sog‘lom odamlarning kasal bo‘lishiga sabab bo‘ldi?!

Qanchadan-qancha baxtli oilalarni parchalab tashladi?!

Qanchadan-qancha kambag‘allarni qarz olishga majbur qildi?!

“Davolayman” yoki “g‘aybni bilaman” degan yolg‘onlar bilan odamlarning pullarini o‘zlashtirib oldi?!

Sehrgar tinch-osoyishta jamiyatni yomon ko‘radi va uni buzmaguncha tinchimaydi. U o‘zgalarning baxtli hayotidan xursand bo‘lmaydi.

Sehrgarda hech qanday yaxshilik yo‘q. Yoki sehrgarning kambag‘allar, yetimlar, beva, bechoralarga g‘amxo‘rlik, yaxshilik yoki homiylik qilganini ko‘rganmisiz?! Sehrgarning amali jamiyatni buzish va uning a’zolarini shirkga undash, ularning boshiga balo, g‘am-tashvish solishdir.

Davron NURMUHAMMAD