OZ-OZ O'RGANIB DONO BO'LUR...

*   *   *

ZahiruddinMuhammad Bobur xazinalari

*   *   *

MUBAYYaN VA NASRIY BAYoNI

*   *   *

IYMON-E_''TIQOD  KITOBI

*   *   *

NAZM

Fosiqe bo'lsa, bo'lsa yo zohid,

Zolime bo'lsa, bo'lsa yo obid,

Joiz o'ldiki, ul imom o'lg'ay,

Muqtadoning ishi tamom o'lg'ay.

Qaysidur bu imom, eshiting roz,

Bu imom o'ldi elga besh namoz.

NASRIY BAYoN

Zohid (taqvoli) yoki fosiq (gunohkor), yaxshi yoki yomon imomlar orqasida namoz o'qish joiz ekani haqida

Hoh fosiq – sarkash gunohkor bo'lsin, xoh zohid – taqvoli  zot  bo'lsin,  xoh  zolim  bo'lsin,  xoh  ibodatli  obid bo'lsin, agar imom bo'lsa, ergashuvchining ishi tamom bo'ladi  –  durust  va  to'liq  bo'ladi  (ya'ni,  unga  ergashib  namoz o'qishi joiz bo'laveradi). Lekin bu qanday imomdir? Sirni eshitingki, bu xalqqa besh vaqt namozni o'qib beradigan imomdir.

IZOH. Muhammad Zohid Qo'tqu ibn Ibrohim al-Bursaviy aytadilar “Har qanday solih va fojir imomga iqtido etib namoz o'qishni joiz deb bilmoq kerak.

Rofiziylarga o'xshamang, chunki ular har kimga iqtido etib namoz o'qimaydilar.

Mahmud Ash-Shomiy vafot etayotib, ashobiga debdilar: «Men ushbu to'rt narsani sizlarga aytmagan edim. Bu hadisni endi aytaman. Payg'ambarimiz sollallohu alayhi va sallam marhamat etdilarki:

1. Ahli qiblani, har qancha katta gunoh qilsalar ham, kufrda ayblamangizlar, kofir bo'ldi, deb aytmangiz.
2. Har qaysi o'lgan kishining (mo''minning) janoza namozini o'qingiz.
3. Har qanday imomning orqasida iqtido etib namoz o'qingiz.
4. Har qanday (muttaqiy va Islomda sobitqadam) boshliq bilan birga Alloh yo'lida kurash etingiz» (“Ahli sunnat val-jamoat aqoidi”, 1-jild, 3-masala).

Nasriy bayon va sharh muallifi:

Mirzo KYeNJABYeK.