Sayt test holatida ishlamoqda!
21 Oktabr, 2025   |   29 Rabi`us soni, 1447

Toshkent shahri
Tong
05:23
Quyosh
06:41
Peshin
12:13
Asr
15:51
Shom
17:37
Xufton
18:49
Bismillah
21 Oktabr, 2025, 29 Rabi`us soni, 1447

HAMDARDLIK BILDIRAMIZ

15.11.2020   2191   1 min.
HAMDARDLIK BILDIRAMIZ

O'zbekiston musulmonlari idorasi jamoasi Surxondaryo viloyati Termiz shahrida joylashgan “Murch bobo” jome masjidi imom-xatibi Nizomiddin domla Choriyevning volidai muhtaramasi vafoti munosabati bilan chuqur ta'ziya izhor etadi.
Tabarruk yoshda oxirat safariga kuzatilayotgan onaxon uzoq yillar mobaynida Surxondaryo viloyati bosh imom-xatibi vazifasidan mehnat qilgan marhum Toshbolta domlaning rafiqalari bo'lib, dinu diyonat yo'lida xizmat qiladigan solih farzandlarni tarbiyaladilar. Ulardan biri Nizomiddin domla Choriyev ko'p yillardan buyon Islom dini va mo'min-musulmonlarimiz xizmatida bardavom bo'lmoqda.
Alloh taolo marhuma onaxonni O'z mag'firatiga olsin! G'ariqi rahmat, shoistai jannat, oxiratlarini obod qilsin! Barcha yaqinlariga sabru jamil ato aylab, ajru mukofotlarini ko'paytirib bersin!
O'zbekiston musulmonlari idorasi jamoasi, ulamolari, imom-domlalari va o'qituvchi-mudarrislari nomidan Nizomiddin domla Choriyevga va marhumaning yaqinlariga hamdardlik bildiramiz.
Innaa lillaahi va innaa ilayhi roji'uun.

O'zbekiston yangiliklari
Boshqa maqolalar

Saudiya Arabistoni podshohligi haj va umra vazirligi xabari!

20.10.2025   6615   1 min.
Saudiya Arabistoni podshohligi haj va umra vazirligi xabari!

Saudiya Arabistoni Haj va umra vazirligi “Haj – 2026” mavsumida ziyoratchida “Nusuk” platformasidan olingan tibbiy sog‘lomlik to‘g‘risida guvohnoma bo‘lgan taqdirda unga haj vizasi berilishi haqida bayonot e’lon qildi.

Saudiya Arabistoni Sog‘liqni saqlash vazirligi haj safari bilan shug‘ullanuvchi vazirlik va idoralarga har bir ziyoratchini sinchkovlik bilan tibbiy ko‘rikdan o‘tkazish va haj safariga borish layoqatiga mos kelmaydigan kasallik bor-yo‘qligini aniqlash majburiyatini yukladi. Bu talab hojilar xavfsizligi va salomatligini ta’minlashga qaratilgan.

Haj-2026 hojilari diqqatiga:
Tibbiy ko‘riklardan o‘tmasdan va tegishli guvohnoma olmasdan haj vizasini rasmiylashtirish imkoni yo‘q.
Bayonotda, quyidagi kasalliklarga chalingan ziyoratchilar haj safariga yuborilmasligini ma’lum qildi:

Dializ talab qiladigan buyrak yetishmovchiligi;

Minimal jismoniy yuklamada ham namoyon bo‘luvchi yurak yetishmovchiligi;

Davriy yoki doimiy ravishda kisloroddan foydalanishni talab qiluvchi o‘pkaning surunkali kasalliklari;

Jigar yetishmovchiligi belgilari bilan kechuvchi jigar sirrozining og‘ir bosqichi;

Og‘ir ruhiy va nevrologik buzilishlar;

Qarilik demensiyasi kasalliklari;

Homiladorlikning oxirgi uch oyi, shuningdek, yuqori xavfga ega bo‘lgan har qanday homiladorlik;

Faol yuqumli kasalliklar (shu jumladan, silning ochiq shakli, gemorragik isitmalar va hokazo);

Kimyoterapiya yoki boshqa immunitetni susaytiruvchi muolajalardan o‘tayotgan faol onkologik kasalliklar;
Saudiya Haj vazirligining mazkur talablari buzilgan yoki yolg‘on ma’lumot berilgan taqdirda, Haj vazirligi tomonidan chora ko‘rilishi bildirilgan.

“Haj” va “Umra” tadbirlarini tashkil etish va o‘tkazish bo‘yicha Respublika jamoatchilik kengashi ziyoratchilarni ushbu talablarga to‘liq amal qilishga chaqiradi, hamda ushbu talablar haj ishtirokchilarining hayotini va salomatligini saqlashga qaratilganini ma’lum qiladi.

O‘zbekiston musulmonlari idorasi 
Haj va Umra markazi