Eron milliy standartlar tashkiloti rahbari Nire Piruzbaxt global va xalqaro darajadagi halol oziq-ovqat standartini ishlab chiqish uchun 120 dan ortiq taklif kiritilganini ma'lum qildi, deya xabar bermoqda "Trend" IRNA ga tayangan holda.
"Bugungi kunda ko'plab mamlakatlarda, jumladan, Rossiya va O'zbekistonda mamlakatimizdagi iqtisodiy faollar va ishlab chiqaruvchilardan halol sertifikatlar talab etiladi", - deydi u.
"O'z vazifalarini bajarish uchun Eronning standartlashtirish milliy tashkiloti halol standartlarni ishlab chiqish va milliy darajada, ayniqsa, 2000-yillar oxiridan boshlab IHTga a'zo mamlakatlar darajasida muvofiqlik tuzilmalarini tuzishda faol ishtirok etmoqda", - deya qo'shimcha qildi u.
Islom hamkorlik tashkiloti - xalqaro Islom mamlakatlari tashkiloti (2011 yilgacha Islom konferentsiyasi tashkiloti (IHT) deb atalgan.
O'zbekiston musulmonlari idorasi matbuot xizmati
Toshkent islom institutida “Yanvar – Qur’on qiroati va ilmlari fan oyligi” doirasida Oliy ma’had talabalari o‘rtasida “Qur’on musobaqasi – 2026” ko‘rik-tanlovi o‘tkazildi.
Tadbirni institut rektori Uyg‘un domla G‘afurov ochib berdi, O‘zbekiston musulmonlari idorasi raisi o‘rinbosarlari va Ulamolar kengashi a’zolari Muhammadolim domla Muhammadsiddiqov va Zayniddin domla Eshonqulov ishtirokchilarga omad tiladi.
Musobaqada qorilar «Qur’on ilmlari» kafedrasi o‘qituvchilari tomonidan baholandi. Yakuniy natijalarga ko‘ra, hifz yo‘nalishida Najmiddinov Muhammad Aminxon, tilovat yo‘nalishida esa Abdullayev Shukrulloh 1-o‘rinni qo‘lga kiritdi.
G‘oliblarga O‘zbekiston musulmonlari idorasi va Toshkent islom instituti tomonidan qimmatbaho sovg‘alar taqdim etildi.
Oliymahad.uz