Sayt test holatida ishlamoqda!
24 Sentabr, 2025   |   2 Rabi`us soni, 1447
search icon
Avvalgi sayt
ЎЗ РУ EN AR

Toshkent shahri
Tong
04:54
Quyosh
06:12
Peshin
12:20
Asr
16:30
Shom
18:21
Xufton
19:33
Bismillah
24 Sentabr, 2025, 2 Rabi`us soni, 1447
Avvalgi sayt
#search
 YouTube

Buxorolik imom xatiblar buyuk vatandoshlari qadamjosini ziyorat qildi

06.10.2020   3091   2 min.
Buxorolik imom xatiblar buyuk vatandoshlari qadamjosini ziyorat qildi
Buxoro viloyatidagi imom xatiblar uchun Samarqanddagi Imom Buxoriy xalqaro ilmiy-tadqiqot markazi va Hadis ilmi maktabiga sayohat uyushtirilib, ular uchun o'quv-seminar tashkil etildi.
 
Jamiyatda sog'lom ma'naviy muhitni mustahkamlash, notinch oilalarda barqarorlikka erishish, yoshlarni to'g'ri yo'lga boshlashda joylardagi imom xatiblarning alohida o'rni bor. Bu borada ular diniy bilimlar bilan birga yon-atrofda sodir bo'layotgan voqea-hodisalar, yurtimizda barcha sohalarda amalga oshirilayotgan islohotlar, qonunchilikdagi yangilik va o'zgarishlardan xabardor bo'lishi maqsadga muvofiq.
 
Buxorolik imom-xatiblar buyuk muhaddis maqbarasini ziyorat qilib, xalqaro markaz va hadis ilm maktabida yaratilgan sharoitlar bilan tanishdi, ilmiy-tadqiqot ishlari haqida ma'lumotlarga ega bo'ldi. 
 
Imom Buxoriy xalqaro ilmiy-tadqiqot markazi direktori Shovosil Ziyodov mehmonlarga markazning tashkil etilishi, maqsad va vazifalari, xalqaro hamkorlik va ilmiy-tadqiqot yo'nalishida olib borilayotgan ishlar haqida gapirib berdi. Shuningdek, ayni paytda xalqimizning diniy va dunyoviy bilimlarini boyitish, jamiyatda uchraydigan turli illatlarga qarshi kurashishda imom-xatiblar oldida turgan vazifalarga to'xtaldi. 
 
– Bugungi kunda mamlakatimizning barcha hududlarida diniy idoralar vakillari ishtirokida o'quv seminarlar, ma'naviy-ma'rifiy tadbirlar tashkil etilmoqda, – deydi Vobkent tumanidagi “Sariosiyo” masjidi imom xatibi Jo'rabek Murodov – Bizning Samarqandga safarimiz ham faqat sayohatdan iborat bo'lib qolmay, buyuk bobomiz nomi bilan ataluvchi xalqaro markaz va Hadis ilmi maktabi faoliyati bilan yaqindan tanishish, shu muqaddas maskan o'qituvchilari, tadqiqotchilari bilan o'zaro fikr almashish, ular tajribalarini o'rganish bilan maqsadi ko'zlangan edi.
 
O'quv-seminarda markaz ilmiy xodimlari tomonidan Imom Abu Mansur Moturidiy, Imom Buxoriy va boshqa buyuk allomalarning ilmiy merosi, ularning kalom va hadis ilmi rivojiga qo'shgan hissasi, bu ilmlarning bugungi kundagi ahamiyati haqida so'z yuritildi.
 
O'zA
Boshqa maqolalar
Yangiliklar

Imkoniyati cheklangan fuqarolar uchun ma’naviy-ma’rifiy suhbat o‘tkazildi

24.09.2025   1078   1 min.
Imkoniyati cheklangan fuqarolar uchun ma’naviy-ma’rifiy suhbat o‘tkazildi

O‘zbekiston musulmonlari idorasi Buxoro viloyati vakilligi tashabbusi bilan Buxoro shahar «Abu Bakr as-Siddiq» jome’ masjidida gapirish va eshitish imkoniyati cheklangan fuqarolar uchun navbatdagi ma’naviy-ma’rifiy suhbat tashkil etildi. Ushbu suhbatda imom-noib Dilshod domla Xodiyev ma’ruza qilib, «Musulmonning musulmonga nisbatan ehtiromi» mavzusida batafsil tushunchalar berdi.

Tadbir davomida ishtirokchilarning aqidaviy, fiqhiy va diniy-ijtimoiy mavzulardagi savollariga javob berildi. Jarayon malakali surdo tarjimon orqali ishtirokchilarga yetkazilib, ularning to‘liq faol ishtirokini ta’minladi.
Suhbat yakunlangach, homiylar ko‘magida ishtirokchilarga oziq-ovqat mahsulotlari ulashildi.

Yaratgan Haq taolo bu xayrli ishlarni bardavom va samarali aylasin!

O‘MI Buxoro viloyati vakilligi Matbuot xizmati

Imkoniyati cheklangan fuqarolar uchun ma’naviy-ma’rifiy suhbat o‘tkazildi Imkoniyati cheklangan fuqarolar uchun ma’naviy-ma’rifiy suhbat o‘tkazildi Imkoniyati cheklangan fuqarolar uchun ma’naviy-ma’rifiy suhbat o‘tkazildi Imkoniyati cheklangan fuqarolar uchun ma’naviy-ma’rifiy suhbat o‘tkazildi
O'zbekiston yangiliklari
#logo