Joriy yilning 21-may kuni Din ishlari bo‘yicha qo‘mita raisi Abdug‘ofur Ahmedov va O‘zbekiston musulmonlari idorasi raisi, muftiy Usmonxon Alimov hazratlari Andijon viloyatiga tashrif buyurdilar.
Mehmonlarning tashrifi, dastlab viloyat bosh imom-xatibi Mirzamaqsud domla Alimov hamrohligida Andijon shahridagi "Devonaboy" jome masjidida bo‘ldilar.

Hammalarimizga ma’lumki Andijon shahridagi “Devonaboy” jome masjidida namozxonlar uchun qulay shart-sharoitlar yaratish maqsadida qariyb ikki yildan buyon qurilish ishlari jadal suratlarda amalga oshirilmoqda. “Devonayboy” jome masjidida qurilish ishlari yakunlansa o‘n olti mingga yaqin namozxonni o‘z ichiga olgan xonaqoh va uning yordamchi xonalari namozxonlar ixtiyoriga topshiriladi. Shu sababdan ham muftiy hazratlarining Andijon viloyatiga tashrifi doirasida “Devonaboy” jome masjidida olib borilayotgan qurilish ishlari bilan yaqindan tanishishlik, namozxonlar uchun yaratilinayotgan sharoitlarni ko‘zdan kechirishlik maqsadida amalga oshirildi. Tashrif jarayonida muftiy hazratlari masjid faoliyati bilan, qurilish jarayonlari bilan yaqindan tanishib, o‘zining bir qator maslahat va ko‘rsatmalarini berib o‘tdilar.

O‘zbekiston musulmonlari idorasi Matbuot xizmati