26 aprel, yakshanba kuni Saudiya Arabistoni podshohi Salmon bin Abdulaziz hazrati oliylari koronavirus pandemiyasi sababli Qirollikning barcha hududlarida o‘rnatilgan taqiqlarni qisman bekor qildi.
Ushbu qaror mamlakatdagi Makka Mukarrama va bir necha shaharlardagi izolyatsiya qilingan joylarga tegishli emas. Bu haqda Saudiya Arabistoni “SPA” axborot agentligi ma’lum qildi.
Yangi qaror ko‘ra aholi zarur ehtiyojlar uchun ertalab 09:00 dan kechki 18:00 ga qadar harakatlanishi mumkin bo‘ldi. Bu holat 13 may kunigacha davom etadi. Shuningdek, mamlakatdagi yirik “Savdo markazlari” majmualari sog‘liqni saqlash bo‘yicha zarur qoidalarga rioya qilgan holda, mijozlarga xizmat ko‘rsatish uchun ochilishi ma’lum qilindi.
Ma’lumot uchun, hozirda Saudiya Arabistonida koronavirus bilan kasallanganlar soni 16299 nafarga yetdi. Undan sog‘ayganlar soni 2215 nafar, vafot etganlar soni 136 nafarni tashkil etmoqda.
O‘zbekiston musulmonlari idorasi
Xalqaro aloqalar bo‘limi
O‘zbekiston musulmonlari idorasi raisi, muftiy Shayx Nuriddin Xoliqnazar hazratlari Imom Termiziy nomidagi islom instituti va ta’lim muassasalari faoliyati bilan tanishdi
Shu yil 27 fevral kuni O‘zbekiston musulmonlari idorasi raisi, muftiy Shayx Nuriddin Xoliqnazar hazratlari Imom Termiziy nomidagi islom instituti, “Imom Termiziy” o‘rta maxsus islom ta’lim muassasasi hamda Imom Termiziy xalqaro ilmiy-tadqiqot markazida bo‘ldilar.
Tanishuv asnosida Muftiy hazratlari yangi barpo etilayotgan institut va madrasa binolarining qurilish jarayoni, zamonaviy o‘quv xonalari, ma’ruza zallari, kutubxona, yotoqxona va ma’naviy-ma’rifiy tadbirlar o‘tkazishga mo‘ljallangan maskan loyihasi bilan tanishdi.
Qurilish ishlari ko‘zdan kechirilib, mas’ullarga barpo etilayotgan inshootlarda puxtalik, zamonaviylik va qulaylik tamoyillariga qat’iy rioya etish bo‘yicha tegishli tavsiya va ko‘rsatmalar berildi.
“Imom Termiziy” ta’lim muassasasi
Matbuot xizmati