Hindistonning Tamil Nadu shtatida yuzlab odamlar ijtimoiy adolatsizlik sabab o‘z dinlaridan voz kechib, Islomni qabul qildi. Koimbatur shahri yaqinida joylashgan qishloqning 3000 dan ortiq aholisi musulmon bo‘lishga qaror qilgan. Ularning bu qarorga kelishiga kuchli yog‘ingarchilik tufayli devorning qulashi bilan bog‘liq hodisa sabab bo‘lgan, deydi Islamisemya.com sayti. “Biz islom diniga kasta adolatsizligi va jamiyatda mavqega ega bo‘lmaganligimiz sababli qabul qildik. Biz hatto avtobusda ham boshqa odamlar bilan bir qatorda o‘tira olmaymiz”, deydi ulardan biri.
Muhtaram Prezidentimizning «Ramazon – mehr-muruvvat, ahillik va shukronalik oyi» degan ezgu g‘oyalari asosida bu muborak oyda hech kim mehr va e’tibordan chetda qolmayapti.
Shu yil 6 mart kuni Toshkent shahridagi «Shayx Zayniddin» jome masjidi majlislar zalida ko‘p yillar imom-xatib bo‘lib ishlagan, diniy soha ravnaqiga munosib hissa qo‘shgan har bir faxriy imomga davlatimiz Rahbarining sovg‘alari – 10 million so‘m pul mukofotlari topshirildi.
Tadbirda Toshkent shahar bosh imom-xatibi Abduqahhor domla Yunusov, «Vaqf» xayriya jamoat fondi vakili qatnashib, omonatlarni o‘z egalariga yetkazdilar.
– Allohga shukrlar bo‘lsinki, faxriy imomlar qadrlagan davrda yashayapmiz, – deydi Shayx Abdulaziz Mansur. – Hurmatli Yurtboshimizning bunday e’tibor va g‘amxo‘rliklaridan boshimiz ko‘kka yetdi.
Ulamolar qadrlangan yurtga baraka yog‘iladi. Ilohim, aziz Vatanimiz bundan-da taraqqiy etaversin.
Prezidentimizning mukofotlarini olgan faxriy imomlar Yurtboshimiz haqlariga, yurtimiz, elimiz fayza barakaga to‘lishini tilab xayrli duolar qilishdi.
Toshkent shahar vakilligi
Matbuot xizmati