Islom sivilizatsiyasi markazi rahbari: «Jamiyat a’zolariga Allohni tanitishimiz zarur»
14.02.2020
3023
1 min.
Kunning mulohazasi
Hozirgina "Munosabat" ko‘rsatuvining navbatdagi soni namoyish qilindi. Nega bolalar, o‘smirlar, yoshlar tarbiyasiz? Nega yangi tug‘ilgan chaqaloqlar o‘ldirilib yoki tiriklay tashlab ketilyapti? Nega ayol jazman erkak jazmanni pichoqlab o‘ldiryapti? Nega kelinlar uy ishlarini qilish, bolasini tarbiyalash o‘rniga seriallardan va telefonidan ko‘z uzmaydi? Nega qariyalarning qadri va o‘rni yo‘qolib boryapti? Nima qilish kerak, nega? degan savollar hurmatli Quddus A’zam tomonidan bir necha marta aytildi?
Haqiqatga yaqinroq javob ko‘rsatuvda ishtirok etgan Jasur domla tomonidan aytildi: Biz farzandlarimizga ilm berishimiz, diyonatni o‘rgatishimiz kerak va Quddus A’zamning o‘zi tez aytib o‘tdi: Islom dini chaqaloqlarni tiriklayin ko‘mishga chek qo‘ygan din bo‘ldi. Shunday qilib, nima qilish kerak? Bolalarimizni kitobga qaytarishimiz kerak, bolalarimiz (va kattalarimiz) albatta Allohdan qo‘rqishlari kerak, ya’ni noma’qul ishlarni qilishdan tiyilishlariga asos, qo‘rquv bo‘lishi kerak. Demak, jamiyat a’zolariga Allohni tanitishimiz zarur. Ikkinchi tomondan, qonunlarni o‘rgatishimiz, tushuntirishimiz kerak. Har ikkala holatda noma’qul ish uchun jazo muqarrarligini inson albatta bilishi, his qilishi kerak.
Shu o‘rinda, har haftada Umra ziyoratiga borib kelayotgan minglab (!) yurtdoshlarimiz hech bo‘lmasa o‘z yaqinlariga ma’naviy ruhiy poklanish nima, birovning haqini yemaslik, sabr, shukur, Allohdan qo‘rqish nima ekanini tushuntirib bersalar a’lo ish bo‘lar edi.
PS: Ayni damda televizorda aerobika to‘g‘risida ko‘rsatuv bo‘lyapti. Ko‘rsatuv bekasi "Men har kuni bir soat (?) milliy raqs va bir soat (?) aerobika harakatlarini bajaraman. Albatta bolalar tarbiyasiga vaqt topmaydi.
Shoazim Minovarov,
Islom sivilizatsiyasi markazi direktori
MА`LUMOTNI IJTIMOIY TАRMOQLАRDА ULАSHING
Iymon 
Namoz 
Ro'za 
Zakot 
Haj 
Qur'on 
Islom saboqlari 
Aloqa 