Joriy yilning 25 yanvar kuni Hadis ilmi maktabida O‘zbekiston Respublikasi Prezidenti Shavkat Mirziyoyevning Oliy Majlisga navbatdagi Murojaatnomasi mazmun-mohiyatini maktab jamoasiga yetkazish maqsadida tadbir bo‘lib o‘tdi.
Mazkur tadbir avvalida Prezident Sh.Mirziyoyevning Oliy Majlisga Murojaatnomasi to‘liq namoyish etilib, so‘ngra maktab rektori O.Yusupov so‘zga chiqdi. U o‘z so‘ztda Oliy Majlisga qilingan Murojaatda ilgari surilgan joriy va kelgusi yillarda amalga oshiriladigan ustuvor yo‘nalishlar, davlatimiz ichki va tashqi siyosati uchun asosiy vazifalar hamda o‘tgan yilda amalga oshirilgan ishlar haqida ma’lumot berdi.
Maktab rektori O.Yusupov nutqida yaratib berilayotgan bunday sharoitlarga munosib javob bergan holda amalga oshirilayotgan islohotlar ijrosini ta’minlashda maktab jamoasining har bir a’zosi o‘z yo‘nalishi bo‘yicha yanada ko‘proq mehnat qilishi darkorligini ta’kidladi.
J.Akramov
Hadis ilmi maktabi
O‘quv-uslubiy bo‘lim boshlig‘i
Alisher Navoiy nomidagi O‘zbekiston Milliy kutubxonasida pokistonlik jurnalist va yozuvchi Muhammad Abbos Xonning "O‘zbekiston: Uchinchi Renessans – taraqqiyot konsepti" nomli kitobining o‘zbek tilidagi nashri taqdimoti bo‘lib o‘tdi.
Tadbirda O‘zbekiston Respublikasi Prezidenti Administratsiyasi va Oliy Majlisi vakillari, Pokiston Islom Respublikasi Prezidentining maslahatchisi va matbuot kotibi Murtazo Solangi, ikki mamlakat vazirlik va idoralari rahbarlari, fan, adabiyot va media sohalari namoyandalari ishtirok etdi.
“O‘zbekiston: Uchinchi Renessans – taraqqiyot konsepti” kitobi badiiy-publitsistik asar bo‘lib, Prezidentimiz Shavkat Mirziyoyev tomonidan ilgari surilgan Uchinchi Renessans g‘oyasi va amalga oshirilayotgan islohotlar dasturining mazmun-mohiyatiga bag‘ishlangan. Unga so‘zboshini Pokiston Bosh vaziri Shahboz Sharif yozgani esa davlatlarimiz rahbarlari va xalqlarimiz o‘rtasidagi ishonch va yaqin do‘stlikning yorqin ramzidir.
Tadbirda so‘zga chiqqanlar bu asar Uchinchi Renessans va Yangi O‘zbekiston g‘oyalarining ahamiyati xalqaro miqyosda yanada teran anglanishi, O‘zbekiston-Pokiston hamkorligi va do‘stligi yanada mustahkam bo‘lishiga xizmat qilishiga ishonch bildirdilar.