Bugun, 22 dekabr mamlakatimizda muhim voqelik: xalq vakillariga, ya’ni Oliy Majlis Qonunchilik palatasi deputatlari va mahalliy kengashlarga saylov kuni.
Saylovlarda ishtirok etish – har bir fuqaroning qonun bilan kafolatlangan huquqi sanalib, bunda kishi yurt taqdiri yo‘lida o‘z xohish-irodasini bildirish tengligi va erkinligi tamoyillari mujassamdir.
Barcha yurtdoshlarmiz qatori imom-xatiblar, diniy soha xodimlari ham mazkur jarayonda faol qatnashib, yurt kelajagi, xalq ravnaqi yo‘lida o‘zlari munosib topgan nomzodlarga ovoz bermoqdalar.
Yuqori saviyada tashkil etilayotgan yangi saylovlar adolat va haqqoniylikda o‘tib, jamiyatimiz rivoji yo‘lida ko‘plab xayrli tashabbuslarni amalga oshiruvchi vakillarni taqdim etishiga tilak bildiramiz.

O‘zbekiston musulmonlari idorasi Matbuot xizmati