Sayt test holatida ishlamoqda!
21 Noyabr, 2025   |   30 Jumadul avval, 1447
search icon
Avvalgi sayt
ЎЗ РУ EN AR

Toshkent shahri
Tong
05:55
Quyosh
07:18
Peshin
12:14
Asr
15:18
Shom
17:03
Xufton
18:20
Bismillah
21 Noyabr, 2025, 30 Jumadul avval, 1447
Avvalgi sayt
#search
 YouTube

Yigitning popugini pasaytirgan Sha’roviy rahimahulloh

13.12.2019   3705   2 min.
Yigitning popugini pasaytirgan Sha’roviy rahimahulloh

Shayx Sha’roviy rahimahulloh aytadilar “Haddan tashqari mutaassib yigitlardan biri bilan munozara qilib turgandim. Undan “Musulmon davlatlaridan biridagi tungi klubni portlatib yuborish halolmi yoki harommi?” deb so‘radim. U “Albatta, halol va u yerdagilarni o‘ldirish joiz” dedi. Men undan “Agar ularni gunoh sodir etib turganlarida o‘ldirsang, boradigan joyi nima bo‘ladi?” desam, u “Albatta, do‘zax” dedi. Undan yana “Shayton insonlarni (oxiratda) qayerga kirishlarini istaydi?” deb so‘rasam, u “Do‘zaxga, albatta” deb javob berdi. Shunda men “Demak, sizlar bilan shaytonning maqsadi bir ekan-da! Ya’ni odamlarni do‘zaxga kiritish” dedim”.

Payg‘ambarimiz sollallohu alayhi vasallam insonlarning musulmon bo‘lishlarini, do‘zaxdan qutulib qolishlarini qattiq istar, shu bois hammaning hidoyat topishiga haris edilar.

Anas roziyallohu anhudan rivoyat qilinadi: «Rasululloh sollallohu alayhi vasallamning yahudiy xizmatkorlari bor edi. (Bir kuni) u kasal bo‘lib qoldi. Rasululloh sollallohu alayhi vasallam uning holidan xabar olgani bordilar. Uning boshi tarafiga o‘tirib: «Islomni qabul qil», desalar, u oldida turgan otasiga qaradi. Otasi: «Abul Qosimga (bu Rasululloh sollallohu alayhi vasallamning kunyalari) itoat qil», dedi. U yigit Islomni qabul qildi. Rasululloh sollallohu alayhi vasallam chiqib ketayotib: «Uni (yigitni) do‘zaxdan xalos qilgan Allohga hamd bo‘lsin», dedilar». Imom Buxoriy rivoyati.

Shayx Sha’roviy rahimahulloh munozara so‘nggida yigitga bunday deganlar: “Insonlarning hidoyat topishlarini va do‘zaxdan qutulishlarini qattiq xohlaydigan Rasululloh sollallohu alayhi vasallam bilan sizlarning o‘rtangizdagi farqni o‘ylab ko‘r! Sizlar bir vodiyda bo‘lsangiz, Habib sollallohu alayhi vasallam boshqa vodiydalar”.

Shayx Sha’roviy rahimahulloh o‘sha yigitga tungi klubda ayshu ishrat qilayotganlarni o‘ldirish o‘rniga, ularni to‘g‘ri yo‘lga chorlash, hidoyat ustida yashashlari uchun harakat qilish lozimligini tushuntirmoqchi bo‘lganlar.

Alloh taolo Muhammad Mutavalliy Sha’roviyni rahmatiga olsin!

 

Internet ma’lumotlari asosida Nozimjon Hoshimjon tayyorladi

Maqolalar
Boshqa maqolalar

Oliy ma’hadda “Ey bandalarim...” kitobining taqdimoti o‘tkazildi

20.11.2025   4638   1 min.
Oliy ma’hadda “Ey bandalarim...” kitobining taqdimoti o‘tkazildi

Bugun, 20 noyabr kuni Imom Buxoriy nomidagi Toshkent Islom institutida O‘zbekiston musulmonlari idorasi raisi, muftiy Shayx Nuriddin Xoliqnazar hazratlarining bir qudsiy hadis sharhiga bag‘ishlangan “Ey bandalarim...” kitobining taqdimoti bo‘lib o‘tdi.

         An’anaga ko‘ra Qur’oni karim tilovati bilan boshlangan tadbirda O‘zbekiston musulmonlari idorasi raisining birinchi o‘rinbosari Homidjon domla Ishmatbekov, Toshkent islom instituti rektori Uyg‘un G‘ofurov, institutning “Aqoid va fiqhiy fanlar” kafedrasi mudiri Soatmurod Primov, shuningdek, boshqa o‘qituvchi va talabalar ishtirok etishdi.

         Taqdimotda e’tirof etilganidek, mazkur salmoqli asar dinimizning ko‘pgina asoslari, hukmlari, odoblari, qalb ishi bilan bog‘liq nozik nuktalarni qamrab olgan.

Kitob nomiga asos bo‘lgan “Ey bandalarim...” deb boshlanuvchi uzun hadisda Alloh taolo bandalariga bir necha marta xitob qilib, zulmdan, zalolatdan uzoq bo‘lishga chorlaydi. Har nafasda O‘ziga muhtoj ekanimizni eslatadi. “Ey bandalarim! Bular sizning amallaringiz. Men ularni hisoblab qo‘yaman...” deya bizni ogoh etadi.

Qalb Xudoning nazargohi ekan, kitobda keltirilgan mana bu parcha har bir o‘quvchining o‘z qalbini yumshatib, poklab turishida dastur vazifasini o‘taydi:

Ibn Javziy rahmatullohi alayh "Soydul xotir" kitobida aytadi: “Bildimki, agar raqoiq (qalbni yumshatuvchi so‘zlar) va salafi solihlar hayotlariga nazar solish aralashmasa, fiqh va hadis eshitish bilan shug‘ullanishning o‘zi qalbni isloh qilishda yetarli bo‘lmaydi. Faqat halol va haromni bilishning o‘zi qalbni yumshatishda katta ta’sirga ega emas, balki raqoiq hadislar va salafi solihlarning qissalarini zikr etish qalbni yumshatadi”.

So‘zga chiqqanlar asarning ana shunday muhim masalalarni eslatishi bilan ham ahamiyatli ekanini ta’kidlashdi. Yakunda kitob yurtimiz mo‘min-musulmonlari uchun manfaatlarga boy bo‘lishini tilab duolar qilindi.

O‘zbekiston musulmonlari idorasi

Matbuot xizmati

Oliy ma’hadda “Ey bandalarim...” kitobining taqdimoti o‘tkazildi Oliy ma’hadda “Ey bandalarim...” kitobining taqdimoti o‘tkazildi Oliy ma’hadda “Ey bandalarim...” kitobining taqdimoti o‘tkazildi Oliy ma’hadda “Ey bandalarim...” kitobining taqdimoti o‘tkazildi Oliy ma’hadda “Ey bandalarim...” kitobining taqdimoti o‘tkazildi Oliy ma’hadda “Ey bandalarim...” kitobining taqdimoti o‘tkazildi Oliy ma’hadda “Ey bandalarim...” kitobining taqdimoti o‘tkazildi Oliy ma’hadda “Ey bandalarim...” kitobining taqdimoti o‘tkazildi Oliy ma’hadda “Ey bandalarim...” kitobining taqdimoti o‘tkazildi Oliy ma’hadda “Ey bandalarim...” kitobining taqdimoti o‘tkazildi