Sayt test holatida ishlamoqda!
10 Mart, 2026   |   21 Ramazon, 1447

Toshkent shahri
Tong
05:26
Quyosh
06:44
Peshin
12:38
Asr
16:38
Shom
18:28
Xufton
19:39
Bismillah
10 Mart, 2026, 21 Ramazon, 1447

Umra mavsumi boshlandi

14.11.2019   6416   1 min.
Umra mavsumi boshlandi

Bugun, 14 noyabr kuni o‘zbekistonlik ziyoratchilarning dastlabki guruhi ezgu niyatlar ila ehtiromlar og‘ushida umra ibodatini ado etish uchun Saudiya Arabistoniga jo‘nab ketadilar. Shu bilan yurtimizda “Umra – 2019/20” mavsumi yaxshi kayfiyatda boshlanadi.
Ziyoratchilar o‘n kunlik umra safari davomida Madina shahrida 3 kun, Makka shahrida 7 kun bo‘ladilar. Ular mazkur shaharlarda barcha zarur sharoitlarga ega mehmonxonalarda istiqomat qiladilar hamda ularga tajribali ishchi guruhi, ellikboshilar va malakali shifokorlar xizmat ko‘rsatadi.
Tayyorgarlik doirasida barcha ziyoratchilar mavsumiy kasalliklarga qarshi emlanib, davlatimiz ramzi tushirilgan kamzul va sumkalar bilan ta’minlandi. Safar oldidan ularga umra safarining mohiyati, uni ado etishga doir masalalar guruh rahbarlari tomonidan tushuntirildi.
Saudiya Arabistonida viza berish tizimida yangi tizimning joriy etilishi ba’zi kechikishlarga sabab bo‘ldi. Shunga qaramasdan, olib borilgan sa’y-harakatlar natijasida, 2019 yilning 14 noyabr kunidan boshlab har kuni “Toshkent–Jidda–Toshkent” yo‘nalishida umra safari yo‘lga qo‘yildi. Ushbu mavsum 2020 yilning yoz oylariga qadar davom etadi.
Yurtdoshlarimiz hukumatimiz tomonidan taqdim etilayotgan qulay imkoniyatlardan unumli foydalanib, muborak ibodatlarini mukammal bajarishlarini Haq taolodan so‘raymiz.
Ma’lumot o‘rnida, Davlatimiz Rahbarining tashabbuslari bilan Umra ziyoratlari yil davomida kvotasiz amalga oshirilishi belgilanib, 2019 yilning 1 aprelidan e’tiboran haftasiga 7 ta reysda Umra safariga fuqarolarimizni yuborish boshlangan. Ushbu muddat ichida 28 mingga yaqin yurtdoshlarimiz Umra safarida bo‘lib qaytdilar.
Alloh taolo muborak zaminga yo‘l olayotgan ziyoratchilarimizning ibodatlarini maqbul aylasin!

O‘zbekiston musulmonlari idorasi Matbuot xizmati

O'zbekiston yangiliklari
Boshqa maqolalar
Yangiliklar

Faxriy imomlarga Prezident sovg‘alari topshirildi

10.03.2026   166   1 min.
Faxriy imomlarga Prezident sovg‘alari topshirildi

Muhtaram Prezidentimizning «Ramazon – mehr-muruvvat, ahillik va shukronalik oyi» degan ezgu g‘oyalari asosida bu muborak oyda hech kim mehr va e’tibordan chetda qolmayapti.

 

Shu yil 6 mart kuni Toshkent shahridagi «Shayx Zayniddin» jome masjidi majlislar zalida ko‘p yillar imom-xatib bo‘lib ishlagan, diniy soha ravnaqiga munosib hissa qo‘shgan har bir faxriy imomga davlatimiz Rahbarining  sovg‘alari – 10 million so‘m pul mukofotlari topshirildi. 

Tadbirda Toshkent shahar bosh imom-xatibi Abduqahhor domla Yunusov, «Vaqf» xayriya jamoat fondi vakili qatnashib, omonatlarni o‘z egalariga yetkazdilar.

– Allohga shukrlar bo‘lsinki, faxriy imomlar qadrlagan davrda yashayapmiz, – deydi Shayx Abdulaziz Mansur. – Hurmatli Yurtboshimizning bunday e’tibor va g‘amxo‘rliklaridan boshimiz ko‘kka yetdi. 
Ulamolar qadrlangan yurtga baraka yog‘iladi. Ilohim, aziz Vatanimiz bundan-da taraqqiy etaversin.

Prezidentimizning mukofotlarini olgan faxriy imomlar Yurtboshimiz haqlariga, yurtimiz, elimiz fayza barakaga to‘lishini tilab xayrli duolar qilishdi.

Toshkent shahar vakilligi
Matbuot xizmati

Faxriy imomlarga Prezident sovg‘alari topshirildi Faxriy imomlarga Prezident sovg‘alari topshirildi
O'zbekiston yangiliklari