Quyida keltiriladigan fikrlar, hikmatlar saytlardan va ijtimoiy tarmoqlardagi turli sahifalardan olib tarjima qilingan.

Birovga hamroh bo‘layin deb botil yo‘lda yurma!

Bir o‘zing bo‘lsang ham Haq Yo‘lda yur!

“Tarix muhrlagan so‘zlar”

*****

Eslatma

Ayol kishi erining haqqiga ko‘p duo qilib turishi kerak. Zero, u bu duoni ixlos bilan qiladi. Chunki, duosining ijobatidan o‘zi ham bahramand bo‘ladi.

Uydagi masturalarimizga bizning haqqimizga ko‘p duo qilishlarini tayinlab turaylik!

*****

Zarari aniq bo‘lganlarga nisbatan doimiy yaxshi gumonda bo‘lish gohida senga kulfat keltirishi mumkin.

“Tarix muhrlagan so‘zlar”

*****

Bechora faqir butun umrini mehnatu mashaqqatda, g‘amgin holda o‘tkazadi. Bir marta kulib yuborganda esa darhol uni suratga olishadi-da, “Molu dunyo baxtni paydo qilmaydi” deb post qo‘yishadi.

 “Tarix muhrlagan so‘zlar”

*****

Sening sinishingni kutayotgan, singaningni ko‘rish istagida yurganning yonidan o‘tayotganingda shahdam qadamlar bilan yur!

*****

Esipast va ahmoqlar bilan tortishma. Aks holda ular seni o‘zlarining darajalariga tushirib oladilar-da, keyin ahmoqlik borasidagi tajribalari bilan yutib qo‘yadilar.

“Tarix muhrlagan so‘zlar”

*****

Par to‘shakda uxlaydiganlarning tushlari yerda uxlaydiganlarning tushlaridan go‘zalroq bo‘lmaydi.

Jubron Xalil Jubron

*****

Internet materiallaridan to‘plab, tarjima qiluvchi

Nozimjon Iminjonov