Nishonga urilgan gaplar: “O‘zingga doimo rost so‘zlarni ixtiyor qil, agarda seni rostlik o‘ldirsa ham”
06.08.2019
3142
1 min.
Quyida keltiriladigan fikrlar, hikmatlar saytlardan va ijtimoiy tarmoqlardagi turli sahifalardan olib tarjima qilingan.
«Go‘zallik qayerda?» deb so‘rasalar, «Go‘zallik Alloh taolodan hayo qiladigan yuzlardadir» deb javob ber!
«Tarix muhrlagan so‘zlar»
*****
O‘zingga doimo rost so‘zlarni ixtiyor qil, agarda seni rostlik o‘ldirsa ham.
Umar ibn Xattob roziyallohu anhu
*****
BЕSh TOIFA ODAM UYLANISHGA, OILA QURISHGA YAROQLI EMASLAR:
- DINDORLIGI KAM.
- AXLOQSIZ.
- BAXIL.
- AYOLLARGA KO‘Z OLAYTIRADIGAN.
- FЕ’L-ATVORI, XARAKTЕRI YOMON.
“XOVATIR ROQIYA JURNALI”
*****
Yiqilganingda turg‘azib qo‘yish uchun uzatilgan qo‘l ko‘cha-ko‘yda uchrashib qolinganda so‘rashish uchun uzatiladigan minglab qo‘llardan ishonchliroqdir.
«Tarix muhrlagan so‘zlar»
*****
Har qanday insonning muammosi boshqa bir insondir.
- Inson insondan nojam bo‘ladi.
- Inson insondan qo‘rqadi.
- Inson inson sababli tushkunlikka tushadi.
- Inson inson tufayli bezovta bo‘ladi.
- Inson inson sababli hayotni yoqtirmay, o‘limni orzu qiladi.
- Insonning hayoti inson tufayli azobga aylanadi.
- Inson inson tufayli o‘ladi.
- Inson inson tufayli infarkt, insult va qandli diabet kabi kasalliklarga yo‘liqadi.
Odil Sodiq,
psixolog
*****
Bir odamning qandayligi:
— puli ko‘payganda;
— mansabga o‘tirganda;
— birga safarga chiqqanda ma’lum bo‘ladi.
*****
Ochlik paytida nonning eskisi bo‘lmaydi.
«Tarix muhrlagan so‘zlar»
*****
Gapirayotganingda, senga tikilib, jim qarab turganlarning barchasi ham gapingni tinglayotgan bo‘lavermaydi. Ayrimlar gapirish navbatini kutib jim turadi.
*****
O‘g‘il bola jinsiga mansub bo‘lib tug‘ilganlarning barchasi ham ERKAK deyilavermaydi.
Internet materiallaridan to‘plab, tarjima qiluvchi
Nozimjon Iminjonov
MА`LUMOTNI IJTIMOIY TАRMOQLАRDА ULАSHING
Iymon 
Namoz 
Ro'za 
Zakot 
Haj 
Qur'on 
Islom saboqlari 
Aloqa 