Sayt test holatida ishlamoqda!
09 Mart, 2026   |   20 Ramazon, 1447
search icon
Avvalgi sayt
ЎЗ РУ EN AR

Toshkent shahri
Tong
05:27
Quyosh
06:45
Peshin
12:39
Asr
16:37
Shom
18:27
Xufton
19:38
Bismillah
09 Mart, 2026, 20 Ramazon, 1447
Avvalgi sayt
#search
 YouTube

Saudiya Arabistoni Podshohining o‘zbekistonlik mehmonlari haj safari taraddudida

02.08.2019   4708   1 min.
Saudiya Arabistoni Podshohining o‘zbekistonlik mehmonlari haj safari taraddudida

2 avgust kuni O‘zbekiston musulmonlari idorasida joriy yilda Saudiya Arabistoni Podshohining mehmoni sifatida haj safariga ketayotgan ziyoratchilar bilan muloqot o‘tkazildi.
Uchrashuvda Shayx Abdulaziz Mansur mehmon sifatida tanlangan ziyoratchilarni qutlab, ushbu safarga eng munosib ulamolar, ilm-fan sohasining yetuk namoyondalari tanlab olinganini alohida ta’kidladi. Muborak safarga podshohning mehmoni sifatida borish sharaf ekani, butun umrini Islom dini rivoji, mo‘min-musulmonlar xizmati va ilmu irfon tarqatishga sarflagan kishilar mana shunday iltifotga munosib ko‘rilganini Shayx hazratlari alohida qayd etdilar.
O‘zbekiston musulmonlari idorasi raisi maslahatchisi Abduhakim qori Matqulov mehmon sifatida ketayotgan ulamolarni safar mobaynida uyushtiriladigan anjumanlar, ma’rifiy tadbirlar va muloqotlarda faol qatnashishni bildirdi. Shuningdek, suhbatlar davomida O‘zbekistonda so‘nggi yillarda Islom dini rivoji yo‘lida qilinayotgan xayrli ishlar to‘g‘risida ma’lumotlar taqdim etishni qo‘shimcha qildi.
O‘zbekiston musulmonlari idorasi Kotibiyati mudiri Muhammad Ayubxon domla Homidov mezmonlar tomonidan taqdim etiladigan safar dasturiga amal qilish, safar davomida yuzaga keladigan masalalarni maslahatlashgan holda hal etish va tashkiliy ishlar bilan bog‘liq masalalarni bayon etdi.
Shuningdek, bu yilgi mehmonlar safida Muhammad Sharif domla Jumanov, Ismoiljon domla Hamroqulov, Abdumalik domla Mamadaliyev va Abduvali domla Isajonov kabi ustozlarning borligi barchamizni mamnun etmoqda.
Alloh taboraka va taolo mehmonlarning hajlarini mabrur aylasin!

 

O‘zbekiston musulmonlari idorasi Matbuot xizmati

O'zbekiston yangiliklari
Boshqa maqolalar

Ilmga intilmagan inson - o‘lik

06.03.2026   30344   1 min.
Ilmga intilmagan inson - o‘lik

Muhammad Rotib Nobulsiy hafizahulloh aytadilar: “Mehribon va rahmli Alloh nomi bilan. Allohga hamdlar bo‘lsin. Sayyidimiz Muhammad Mustafo sollallohu alayhi vasallamga va u zotning oila a’zolariga hamda sahobalariga salavotu salomlar bo‘lsin. Ulardan ham, bizdan ham rozi bo‘l, yo olamlar Robbi.

Shak-shubhasiz, koinot, jamodot, nabotot va hayvonot bir-biridan farq qiladi. Ularning ayrimlari jonsiz, qolganlari jonli. Ba’zilari vaznga ega, hajmi bor va h.k.

Ammo insoniyat boshqa jonzotlar farqli o‘laroq fikr yuritadi, tafakkur qiladi. Agar inson ilm izlamasa, Robbi uni qo‘ygan darajadan pastga tushadi, bu esa uning mavqeiga mos kelmaydi. Natijada, u o‘lik sanaladi.

Alloh taolo bunday marhamat qiladi: “Aslida, ularning hayvonlardan farqi yo‘q. Balki yana ham yo‘ldan ozganroqdirlar” (Furqon surasi, 44-oyat).

“Ular xuddi suyab qo‘yilgan xodaga o‘xsharlar” (Munofiqun surasi, 4-oyat).

“Ustlariga Tavrot yuklatilgan, so‘ngra uni ko‘tarmaganlar misoli ustiga kitob yuklangan eshakka o‘xsharlar” (Juma surasi, 5-oyat).

Inson mavjudligining sirini, hayotdan maqsadni va haqiqatni izlashi, o‘lim nima, o‘limdan keyin nima bo‘lishi haqida fikr yuritishi lozim.

Har bir aqlli odam ham dono emas. O‘tkinchi dunyo hayotining mayda-chuydalariga berilib ketmagan, o‘zini Allohning bandasi ekanini unutmagan, kengligi osmonlaru yercha bo‘lgan Jannat uchun harakat qilgan inson – dono sanaladi. Bunga faqat ilm izlash orqali erishish mumkin.

Demak, agar kim dunyoni istasa, ilm izlasin. Oxiratni istasa, ilm izlasin. Agar har ikkisini ham xohlasa, ilm izlasin. Alloh buyukdir”.


Davron NURMUHAMMAD