Bishkekdagi markaziy masjidda joriy yilning 27 aprel kuni Respublika muazzinlar musobaqasi bo‘lib o‘tadi.

Azon aytish bo‘yicha musobaqa g‘olibi Haj ziyorati uchun yo‘llanmani qo‘lga kiritadi. Bu haqda islam.ru nashri Qirg‘iziston musulmonlari idorasiga tayanib xabar bergan.

Ikkinchi va uchinchi o‘rinlar sohiblariga qimmatbaho sovg‘alar topshirilishi aytib o‘tilgan. Musobaqaning saralash bosqichi 2018 yilning noyabr oyida o‘tkazilgan bo‘lib, unda 500 nafardan ortiq ishtirokchilar qatnashgan. Musobaqa finalida 27 nafar ishtirokchi o‘zaro bellashadi.

O‘zbekiston musulmonlari idorasi Matbuot xizmati