Jahon halol sammiti 2023 yilning 23-25 noyabr' kunlari Istanbul ko'rgazma markazida (IFM) bo'lib o'tadi.
“IQNA” saytining “Islam today” ga tayanib xabar berishicha, mazkur sammitning “Discover Events” kompaniyasi tomonidan Islom hamkorlik tashkiloti (IHT) vakolatli muassasasi Islom mamlakatlari standartlari va metrologiyasi instituti (SMIIC) bilan hamkorlikda o'tkazilishi reja qilingan.
Butunjahon halol sammiti tashrif buyuruvchilarni halol sanoati sohasidagi so'nggi ishlanma va yangiliklar bilan tanishtiruvchi dunyodagi eng yirik tadbir bo'lib, xalqaro olimlar va dunyoning turli burchaklaridan kelgan fiqh mutaxassislari ishtirokida o'tkaziladi.
Bu yilgi sammit “Global halol iqtisodiyotga kirish eshigi: potentsialni ochish” mavzusiga bag'ishlangan. Sammit halol sanoatning turli sohalarida ishtirokchi, tadqiqotchi va ekspertlar o'rtasida bilim va malaka almashish va hamkorlik qilish uchun qulay muhit yaratishga qaratilgan.
O'zbekiston musulmonlari idorasi
Matbuot xizmati
#Malaka_oshirish #Qishki_ta’til
2025 yil 30 dekabrdan shu yil 11 yanvarga qadar professor-o‘qituvchilar uchun “O‘quv jarayoniga oid me’yoriy-huquqiy hujjatlar, zamonaviy pedagogik texnologiyalar va metodlar hamda ixtisoslik fanlari” mavzusida malaka oshirish seminari tashkil etildi.
Seminarning maqsadi — professor-o‘qituvchilar malakasini oshirish, yangi pedagogik texnologiyalar va metodologiyalar bo‘yicha bilimlarini boyitish hamda ixtisoslik fanlari bo‘yicha o‘quv jarayonlarini samarali tashkil etishdir.
Ilk dars Toshkent islom instituti rektori Uyg‘un domla G‘afurov tomonidan “O‘zbekiston va qo‘shni davlatlarda Islom ilmlari ta’lim tizimining rivojlanishi” mavzusida ochildi. Shuningdek, Muhammadakmalxon domla Shokirov Shayx Yusufxon to‘ra Shokirov hayoti va faoliyati haqida batafsil ma’ruza qildi.
Seminarda institut professor-o‘qituvchilari va xodimlari hamda “Xadichai Kubro” ayol-qizlar o‘rta maxsus islom ta’lim muassasasi o‘qituvchilari ishtirok etishdi.
Oliymahad.uz