Joriy yilning 6 fevral' kungi zilzila Turkiyada yashovchi suriyalik tadbirkor Umar Abdulqodirning to'qimachilik biznesiga zarar keltirdi. U etkazilgan talofotni qoplash uchun sug'urta kompaniyasiga murojaat qiladi.
Kompaniyasi unga 716 000 dollar tovon puli to'lab beradi. Ammo bu mablag' u so'ragan summadan ancha ko'pligi ma'lum bo'ldi. Bu xatolikni payqagan tadbirkor ortiqcha pulni kompaniyaga qaytardi. Bu haqda IslamNews ma'lum qilgan.
“Ba'zilar menga pulni bermaslikni maslahat berishdi. Hozir bu sening puling, deyishdi. Lekin men halol bo'lmagan pulni ololmasligimni aytdim”, dedi u.
O'zbekiston musulmonlari idorasi
Matbuot xizmati
4 yanvar kuni Namangan viloyati bosh imom-xatibi Abdullohxon domla Samatov va Kosonsoy tumanida faoliyat yuritayotgan imomlar ishtirokida diniy ta’lim muassasalarida tahsil olayotgan kosonsoylik talaba-yoshlar bilan uchrashuv bo‘lib o‘tdi.
Muloqot davomida ilm-ma’rifatning ahamiyati, shuningdek, yurtimizda yoshlarni qo‘llab-quvvatlash va bilimli avlodni tarbiyalash borasida davlatimiz rahbari tomonidan olib borilayotgan islohotlar xususida fikr almashildi. Talabalarga ta’limni yakunlagandan so‘ng o‘z tumanlarida masjid va mahallalarda imom-xatib, imom-noib hamda otinoyi sifatida xizmat qilishlari muhim ekani ta’kidlandi.
Abdullohxon domla yoshlarni ota-ona va ustozlar ishonchini oqlab, yurt va xalq manfaati yo‘lida fidokorona xizmat qilishga chorladi. Uchrashuv yakunida talabalarga o‘qishlarida muvaffaqiyat tilab duolar qilindi.
Shuningdek, homiylar ko‘magida 3 nafar talabaga o‘quv shartnoma uchun sertifikatlar topshirildi. Barcha ishtirokchilarga esdalik sovg‘alari va hadiyalar taqdim etildi.
O‘zbekiston musulmonlari idorasi
Namangan viloyati vakilligi
Matbuot xizmati