Quyida keltiriladigan fikrlar, hikmatlar ijtimoiy tarmoqlardagi turli sahifalardan olib tarjima qilingan. Bundan tashqari sahobai kiromlar, ulug‘ olimlar, Yaqin Sharq, Osiyo, Yevropa va Amerika mutafakkirlarining bir qator fikrlari ham berilgan.
*****
Ular yolg‘onchilardir. Yolg‘onchiliklarini o‘zlari ham bilishadi. Yolg‘onchiliklarini biz bilishimizni ham bilishadi. Shunday bo‘lsa ham baland ovozda yolg‘on gapiraveradilar.
Najib Mahfuz
*****
Afrika qit’asiga dori-darmonlar jo‘natishga qaror qildik. Bu juda ham yaxshi insonparvarlikdir. Lekin muammo dorilar qutisiga “Ovqat yegandan so‘ng” deb yozib qo‘yilganidir.
“Tarix muhrlagan so‘zlar”
*****
Kitoblarning do‘stligi insonlarning do‘stligidan afzaldir. Chunki kitoblar hech narsa talab qilmasdan, doim foyda beradi.
“Tarix muhrlagan so‘zlar”
*****
Dushmanlaringning gaplariga yaxshilab quloq sol. Chunki ularning ko‘p gaplarida yaxshi ko‘rganlaring yashirgan haqiqat bor bo‘ladi.
“Tarix muhrlagan so‘zlar”
*****
Boshqaning gapini senga olib kelgandan ehtiyot bo‘l. Chunki u sening ham gapingni boshqaga yetkazadi.
Hasan Basriy rahimahulloh
*****
Agar sen ehtiyojing tushmagan narsani sotib olgan bo‘lsang, vaqti kelib, o‘zingga kerak bo‘lgan narsani sotishga majbur bo‘lasan.
“Tarix muhrlagan so‘zlar”
*****
Men hech kimni tashlab ketmayman. Lekin ketmoqchi bo‘lgan kimsaning qo‘lidan ushlab olmayman.
Mahmud Darvesh
*****
Farzandlaringizga sidq – rostgo‘ylikni o‘rgatinglar! Rostgo‘ylik ularga hamma narsani o‘rgatadi.
“Tarix muhrlagan so‘zlar”
*****
Eng afzal intiqom – shiddat bilan muvaffaqiyatga erishishingdir.
“Tarix muhrlagan so‘zlar”
To‘plab, tarjima qiluvchi Nozimjon Iminjonov
Uchrashuvda Qoraqalpog‘iston Respublikasi Jo‘qorg‘i Kengesining Raisi Amanbay Orinbayev so‘zga chiqib, so‘nggi yillarda muhtaram Prezidentimiz rahbarligida Qoraqalpog‘iston uchun alohida qabul qilingan qaror va farmonlar, shu orqali yaratilgan imtiyoz va imkoniyatlar haqida atroflicha to‘xtalib o‘tdi.
Shuningdek, qisqa vaqt ichida Qoraqalpog‘iston tarixi sahifalarida o‘ziga xos o‘rin egallagan muhim yangiliklar, bugungi kunda amalga oshirilayotgan keng ko‘lamli ezgu ishlar hamda oldinda turgan ustuvor vazifalar xususida fikr almashildi.
Aytib o‘tish joizki, yaqin vaqt ichida Qoraqalpog‘istonda chin ma’noda tarixiy ahamiyatga ega islohotlar amalga oshirilib, aholi va tadbirkorlik subyektlari, jamiyatning barcha qatlamlari uchun ilgari bo‘lmagan keng imtiyoz va imkoniyatlar yaratildi. Ushbu islohotlar va tashabbuslar uchrashuv davomida aniq misollar bilan yoritib berildi.
Shundan so‘ng ishtirokchilarning taklif va mulohazalari tinglanib, kelgusida amalga oshirilishi lozim bo‘lgan muhim vazifalar belgilab olindi.
Uchrashuv yakunida yurtimiz taraqqiyoti yo‘lida munosib hissa qo‘shayotgan bir guruh madaniyat xodimlari va din vakillari Qoraqalpog‘iston Respublikasi Jo‘qorg‘i Kengesining Raisi tomonidan munosib rag‘batlantirildi.
Qoraqalpog‘iston musulmonlari qoziyoti
Matbuot xizmati