Sayt test holatida ishlamoqda!
19 Mart, 2025   |   19 Ramazon, 1446

Toshkent shahri
Tong
05:10
Quyosh
06:28
Peshin
12:36
Asr
16:46
Shom
18:37
Xufton
19:50
Bismillah
19 Mart, 2025, 19 Ramazon, 1446

"Eng ma’rifatli imom – 2018" ko‘rik tanlovining respublika bosqichi boshlandi

20.12.2018   4050   3 min.

Mamlakatimiz taraqqiyotning yangi davrida muhtaram Prezidentimiz tomonlaridan diniy sohada olib borayotgan islohotlar ayniqsa diqqatga sazovordir. Ushbu islohotlarning hayotga tatbiq etilishida diniy soha xodimlari ham munosib ishtirok etishlarini ta’minlash O‘zbekiston musulmonlari idorasi oldida turgan eng oliy vazifalardan biridir.

 

Bugun, 20 dekabr kuni O‘zbekiston musulmonlari idorasida har yili an’anaviy tarzda o‘tkazilib kelinayotgan "ENG MA’RIFATLI IMOM – 2018" ko‘rik tanlovining respublika bosqichi boshlandi.

Unda tanlovning Qoraqalpog‘iston Respublikasi, Toshkent shahri va viloyatlar bosqichida birinchi o‘rinni egallagan 14 nafar imom-xatib bellashmoqda.

 

 "ENG MA’RIFATLI IMOM– 2018” ko‘rik-tanlovini o‘tkazishdan maqsad, bugungi kun imom-xatibi ham diniy ham dunyoviy bilimlarni puxta egallashi, Qur’oni karim oyatlari tafsirini mukammal bilishi, dunyoda yuz berayotgan voqelikdan xabardor bo‘lib, xalqni ezgulik va birdamlikka chaqirishi, yoshlarga haq bilan botilni yetkaza bilishi kabi faoliyatlarni yanada jadallashtirishdan iborat. 

 

Shuningdek, hozirgi paytda dunyoda kechayotgan murakkab siyosiy jarayonlarda Islom dini niqobi ostida ro‘y berayotgan urush va to‘qnashuvlar, buzg‘unchi g‘oyalar tahdididan aholini ogoh etib, ularga to‘g‘ri islomiy ta’limotni yetkazish kabi vazifalarni qay darajada uddasidan chiqayotganlarini bilish ham maqsad qilib qo‘yilgan.

Tadbir Qur’on karim tilovati bilan boshlandi. Shundan so‘ng hakamlar hay’ati va ishtirokchilar tanishtirildi.

 

Musobaqa davom etmoqda. Tanlov haqidagi batafsil ma’lumotlarni muslim.uz portali va uning ijtimoiy tarmoqlardagi sahifalarida kuzating.

 

 

O‘zbekiston musulmonlari idorasi Matbuot xizmati

Yangiliklar
Boshqa maqolalar
Yangiliklar

Mehr-muruvvat yo‘lida

14.03.2025   6995   1 min.
Mehr-muruvvat yo‘lida

Samarqand shahrida yashovchi muhtoj va keksa insonlarning holidan xabar olish bo‘yicha xayrli tashabbus amalga oshirildi. Viloyat bosh imom-xatibi Ahmadxon domla Alimov, “Vaqf” xayriya jamoat fondining Samarqand viloyat filiali rahbari A.Sultonov va “Shohi Zinda” masjidi imom-xatibi S.Mirzayev hamrohligida millati rus bo‘lgan Galashev Dmitriy (1955-y.) va Voronina Marina onaxon (1931-y.) hol-ahvol so‘ralib, Ramazon hadyalari ulashildi.


Tashrif chog‘ida ehtiyojmandlarga moddiy va ma’naviy ko‘mak ko‘rsatildi. Millatidan qat’i nazar, har bir insonga mehr-oqibat va g‘amxo‘rlik qilish xalqimizga xos fazilatdir.


Alloh taolo barcha ezgu ishlarga baraka ato etsin! 

O‘zbekiston musulmonlari idorasi

Samarqand viloyati vakilligi

Matbuot xizmati

Mehr-muruvvat yo‘lida Mehr-muruvvat yo‘lida
O'zbekiston yangiliklari