BAAning Abu Dabi shahrida 2 dekabr kuni Shayx Zayid nomidagi Abu Dabi madaniy meroslar festivali boshlandi. Festivalda eng kombinatsiyalashgan o‘zbek paviloniga tashrif buyurgan turistlar soni ko‘pchilikni tashkil etmoqda.
Festivaldagi O‘zbek paviloni Registon maydoni shaklida qurilgan. Yon-atrofidagi hujralarda hunarmandchilik, naqsh o‘ymakorligi, gilamdo‘zlik, so‘zana tikish san’ati kabi o‘zbek milliy madaniy meroslari ekspozitsiyalari, miniatyura rassomlari o‘rin egallagan. Turistlar o‘zbek amaliy san’ati namunalarini qiziqish bilan tomosha qilishmoqda.
Festivalning ochilish marosimida sozandalar o‘zbek milliy cholg‘ulari: karnay, surnay, doira va nog‘ora bilan musiqiy kompozitsiyalarni ijro etishdi. Tashrif buyuruvchilar o‘zbek maqomchilari ijrosida “Tanovar”ni tinglashdi.
Pavilonda o‘zbek oshxonasi, meva va sabzavot mahsulotlari ham namoyish qilindi.
“Abu Dabi festivalidagi pavilonlar 2018 yil Shahrisabzda o‘tkazilgan Xalqaro maqom san’ati forumidagi har bir viloyat uchun alohida tiklangan pavilonlarni yodga soladi, – deydi o‘zbek delegatsiyasi vakillaridan biri Sardor Babayev. – Maqom festivalida 14 ta pavilon 14 ta hududning o‘ziga xos madaniyati, san’ati va an’analarini namoyon etgan bo‘lsa, Abu Dabi festivalida o‘sha pavilonlar yaxlit bir holda, O‘zbekiston madaniyati va san’atini dunyoga tanishtirmoqda”. Madaniy meroslar festivali 26 yanvargacha davom etadi.


O‘zbekiston musulmonlari idorasi Matbuot xizmati
O‘zbekiston musulmonlari idorasi raisi, muftiy Shayx Nuriddin Xoliqnazar hazratlarining tashabbusi bilan diniy soha vakillari o‘rtasida sog‘lom turmush tarzini targ‘ib etish, jismoniy faollikni oshirish va o‘zaro do‘stona munosabatlarni mustahkamlash maqsadida sport musobaqalari izchil ravishda tashkil etilmoqda.
Shu doirada Qashqadaryo viloyatida voleybol, stol tennisi, shaxmat va shashka bo‘yicha musobaqalarning final bosqichi o‘tkazilib, shahar va tumanlardan saralangan g‘oliblar faol ishtirok etdilar. Qizg‘in bahslar yakunlanib, har bir sport turi bo‘yicha g‘olib va sovrindorlar aniqlandi.
Tadbir yakunida ishtirokchilar diplom va esdalik sovg‘alari bilan taqdirlanib, keyingi bosqich musobaqalarida qatnashish huquqini qo‘lga kiritdilar.
Musobaqada O‘MI Qashqadaryo viloyati vakili, viloyat bosh imom-xatibi Rahmatillo domla Usmonov hamda Qashqadaryo viloyati hokimining o‘rinbosari Farhod Kushakov ishtirok etib, qatnashchilarga ezgu tilaklar bildirdi va respublika bosqichida omad tiladi.
Tadbirni yuqori saviyada tashkil etishda yaqindan ko‘maklashgan Qashqadaryo viloyati hokimligi va viloyat sport boshqarmasi rahbariyati hamda xodimlariga minnatdorchilik bildiramiz.
Qashqadaryo viloyati vakilligi
Matbuot xizmati