Joriy yilning 21 sentyabr kuni Turkiyaning Ibn Haldun universitetida "XXI asr tahdidlari va islom ma’rifati g‘oyalari" mavzusida xalqaro anjuman o‘tkazildi. Ushbu anjumanda O‘zbekiston delegatsiyasi ham ishtirok etdi.

Ushbu konferensiyada O‘zbekiston Respublikasining Turkiyadagi elchixonasi, Vazirlar Mahkamasi huzuridagi Din ishlari bo‘yicha qo‘mita, O‘zbekiston musulmonlari idorasi, O‘zbekiston xalqaro islom akademiyasi, O‘zbekiston Islom sivilizatsiyasi markazi vakillari ishtirok etganlari ma’lum qilingan.

O‘zbekiston musulmonlari idorasi nomida Idora raisining o‘rinbosari shayx Abdulaziz Mansur ishtirok etdilar.

Anjuman doirasida jahonda tinchlik va barqarorlik o‘rnatishda islom dinining ahamiyati, uning o‘rni haqida fikrlar bildirilib, hamjihatlikda ish olib borish istiqbolda ulkan natijalarga erishishning asosi ekani ta’kidlandi.

Bundan tashqari, O‘zbekiston va Turkiya diniy ta’lim muassasalari o‘rtasida hamkorlik bo‘yicha kelishuv imzolandi.

O‘MI Matbuot xizmati