Hazrati Imom (xalq orasida Xast imom nomi bilan mashhur) – Toshkentning eng asosiy diqqatga sazovor joylaridan biridir. Majmua Toshkent imomi, olim, Qur’on va hadis bilimdoni, Toshkentda islomning ilk targ‘ibotchilaridan biri, shoir va hunarmand Hazrati Imom (uning to‘liq ismi Abu Bakir ibn Ismoil Al-Qaffol Ash-Shoshiy) qabri atrofida bunyod etilgan.

Tarixiy manbalarga ko‘ra, shuningdek, u qulflar va qalitlarni tayyorlash bo‘yicha usta ham bo‘lgan, shu sababli “Qaffol” (qulfchi) laqabini olgan, 72 tilni bilgan va Tavrotni arab tiliga tarjima qilgan.
Abu Bakr Qaffol Shoshiy 976-yilda 73 yoshida vafot etadi va u shu kungacha butun dunyoda musulmonlar tomonidan hurmat qilinadigan maqbarada dafn etiladi.

Ushbu majmuaning me’moriy elementlari turli davrlarda barpo etilgan. “Qaffol Shoshiy” maqbarasi, “Baroqxon” madrasasi va “Mo‘yi Muborak” madrasasi 16-asrda qurilgan. “Nomozgoh” masjidi 18 asrda va “Tilla Shayx” jome masjidi 20-asrda barpo etilgan.

“Hazrat Imom” jome masjidi va O‘zbekiston musulmonlari idorasining yangi ma’muriy binosi yaqin yillarda (2007) O‘zbekiston Respublikasining birinchi Prezidenti Islom Karimov tashabbusi va loyihasi bilan barpo etildi.

Hazrati Imom majmuasida katta kutubxona mavjud. Bugungi kunda qo‘lyozmalar soni 30000 mingtani tashkil etadi. Ular “Tilla Shayx” masjidining eski binosidagi saqlash xonasida joylashgan.

Manzil: Zarqaynar ko‘chasi, Chorsu bozorining sharqida.

Kiyinish talablari: O‘zbekistonda ayollar diniy diqqatga sazovor joylarni ziyorat qilishda tananing ochiq qismlarini (yelkalar, orqa va oyoqlar) yopib yurishi maqsadga muvofiq.

manba: tashkentnews.uz