Bugun Respublikamizning barcha hududlarida Qurbon hayiti bayrami tinchlik va osoyishtalikda o‘tdi. Yurtimizdagi 1982 ta masjidda 1906974 nafar mo‘min-musulmonlar emin-erkin, ko‘tarinki kayfiyatda Qurbon hayiti namozini ado etdilar. Fazilati ulug‘ kunda yurtimiz musulmonlari bir-birlarini bayram bilan muborakbod etib, shunday kunlarga yetkazgan Alloh taologa shukronalikda duolar qildilar.
Imom-xatiblar hozirda yurtdoshlarimiz Haj amallarini ado qilib, duolar qilayotganlari, shuningdek, Qurbon hayitining fazilatlari haqida ma’ruza qildilar.
O‘MI matbuot xizmati
Rasululloh sollallohu alayhi vasallam: “...Ey Oysha, miskinni quruq qaytarma, hech bo‘lmasa yarimta xurmo bo‘lsa ham bergin. Miskinlarga muhabbatli va yaqin bo‘l. Shunda qiyomat kuni Alloh seni O‘ziga yaqin qiladi”, dedilar (Imom Termiziy rivoyati).