Jazoirning “El Djazairia One” telekanali Ramazon oyida O‘zbekiston haqida turkum ko‘rsatuvlarni namoyish etmoqda. Ko‘rsatuvning 4-sonida “Hazrati imom” majmuasidan reportaj namoyish etildi. Ko‘rsatuvning mazkur sonida majmuada saqlanayotgan bebaho xazina – Hazrati Usmon roziyallohu anhu davrida ko‘chirilgan Qur’oni karimning asl nusxasi – “Usmon Mus'hafi” haqida hikoya qilinadi.

Boshlovchi Hazrati Usmon roziyallohu anhuning hayotlari, xalifalik davrlari, Qur’oni karimning mus'haflarga ko‘chirilishi haqida manbalar asosida hikoya qiladi. Va o‘sha davrda to‘rt nusxada ko‘chirilgan mus'hafning O‘zbekistonga kelish tarixi haqida so‘zlab beradi:

Dastur muallifining aytishicha, bu singari ko‘rsatuvlar davomli bo‘ladi. O‘zbekiston haqidagi videolavhalar jazoirliklar uchun Ramazon tuhfasi ekani qayd etildi.

O‘MI Matbuot xizmati