Joriy yilning 23-25 iyun' kunlari Malayziyaning Penang shtatida "Halol" standart mahsulotlari bo'yicha XII xalqaro ko'rgazma va konferentsiya bo'lib o'tadi. Unda turli davlatlardan 20 000 ziyod soha vakillari ishtirok etishi kutilmoqda.
Malayziyaning Penang shtati bosh vaziri Chou Kon Yu XII xalqaro ko'rgazma va konferentsiya Malayziya shimolidagi eng yirik tadbir ekanligini ma'lum qildi. U ko'rgazmaning Hitoy, Ispaniya va Chili davlatlari delegatsiyalari ishtirokida o'tkazilishini aytib, ko'rgazma yangi imkoniyatlar ochishi mumkinligini ta'kidladi.
Vazirning so'ziga ko'ra, ko'rgazma halol oziq-ovqat va ichimliklar ishlab chiqarish, turizm, moda va texnologiya sohalari bo'yicha bo'lib o'tadi.
Uning so'zlariga ko'ra, Penangda halol mahsulotlarga oid xalqaro konferentsiya davlat imkoniyatlarini namoyish etish va iqtisodiy farovonlik uchun halol brendini ilgari surish uchun platforma yaratadi.
O'MI xodimi I.Ahmedov tayyorladi.
Farg‘ona viloyatida faoliyat olib borayotgan imom-xatiblar ishtirokida O‘zbekiston musulmonlari idorasi raisi, muftiy Shayx Nuriddin Xoliqnazar hazratlari qalamiga mansub “Inson qadri” nomli asarning taqdimot marosimi bo‘lib o‘tdi.
Tadbirda Farg‘ona viloyati bosh imom-xatibi Ubaydulloh domla Abdullayev, viloyat bosh imom-xatibi o‘rinbosari Alisher domla Naimov, shahar va tumanlar bosh imom-xatiblari, shuningdek, masjidlarda faoliyat olib borayotgan imom-domlalar ishtirok etdilar.
Taqdimot davomida asarning mazmun-mohiyati, unda ko‘tarilgan dolzarb mavzular hamda kitobning bugungi jamiyat hayotidagi ahamiyati haqida atroflicha fikr yuritildi. So‘zga chiqqanlar kitobda inson qadrini ulug‘lash, uning huquq va burchlarini anglash, mehr-oqibat, bag‘rikenglik va hamjihatlik kabi insoniy fazilatlar chuqur va ta’sirchan tarzda yoritilganini ta’kidladilar.
Shuningdek, ishtirokchilar “Inson qadri” asari imom-xatiblar uchun ma’naviy-ma’rifiy faoliyatda muhim qo‘llanma bo‘lib xizmat qilishi, aholi bilan muloqotda, jamoatchilik orasida sog‘lom ma’naviy muhitni shakllantirishda keng foydalanish mumkin bo‘lgan manba ekanini qayd etdilar.
Farg‘ona viloyati vakilligi Matbuot xizmati