Ikki muqaddas harami sharif ishlari bo'yicha Bosh boshqarma Ko'rgazmalar va muzeylar ishlari bo'yicha Bosh raislik agentligi bilan hamkorlikda Payg'ambarimiz alayhissalom masjidida Ka'ba va Ka'bapo'shga oid ko'rgazmasini tashkilashtirdi. Mazkur ko'rgazma faoliyati 27 may kuniga qadar davom etadi.

Saudiya Arabistoni matbuot agentligining ta'kidlashicha, ko'rgazma Ikki muqaddas harami sharif ishlari bo'yicha Bosh boshqarmasi rahbari shayx, doktor Abdurrohman as-Sudays rahbarligida o'tkazilmoqda.

Agentlikning ta'kidlashicha, ko'rgazmani o'tkazishdan ziyoratchilarni Saudiya Arabistoni hukumatining muqaddas Ka'baga e'tibor qaratishi, uni qayta qurish, ta'mirlash, devorlarini mustahkamlash, eshiklarini yangilash va uning atrofidagi shozuronni hozirgi holatga keltirishdagi xizmatlarini tanishtirish maqsad qilingan.

Ko'rgazma Ka'ba bilan bog'liq ba'zi texnologik vositalar, ya'ni Ka'batullohni xushbo'y hidli parfyumeriya mahsulotlari bilan yuvish, mushku anbar sepish va tozalash vositalari bilan ta'minlash, shuningdek, Ka'ba eshigi uchun parda, ba'zi lampalar, Ka'ba uchun to'qilgan matodan iborat bo'lgan sharafli Ka'baning qoplamasi (Ka'bapo'sh) va uning to'qilish jarayoni tashrif buyuruvchilarga namoyon qilishni o'z ichiga oladi.

Ko'rgazmada, shuningdek, Kaba eshigi, Ka'baning kaliti, Qora tosh (Hajarul asvad), Yaman burchagi (Ruknul Yamaniy) kabi muqaddas Ka'baning xususiyatlari haqida hikoya qiluvchi estetik tasvirlar hamda Ka'ba bilan bog'liq bo'lgan hujjatli fil'mlar, Ikki Muqaddas masjidning diqqatga sazovor joylari rasmlari ham namoyish etiladi.

Ko'rgazma tashrif buyuruvchilarga 12 kun davom etadigan davrida Ka'bapo'shning Ka'baga qoplanishi jarayoni tafsilotlarini ko'rish imkonini beradi. Ko'rgazma soat 10:00 dan 22:00 gacha davom etadi.

O'zbekiston musulmonlari idorasi
Matbuot xizmati