Sayt test holatida ishlamoqda!
24 Sentabr, 2025   |   2 Rabi`us soni, 1447

Toshkent shahri
Tong
04:54
Quyosh
06:12
Peshin
12:20
Asr
16:30
Shom
18:21
Xufton
19:33
Bismillah
24 Sentabr, 2025, 2 Rabi`us soni, 1447

Qur’on zabt etgan qalblar: Qur’on qalbini zabt etgan yigit

03.03.2018   11756   3 min.
Qur’on zabt etgan qalblar: Qur’on qalbini zabt etgan yigit

Kitob muallifi Imom Sa’labiy rahimahulloh aytadilar: “Abu Muhammad Xalil ibn Ahmad ibn Muhammad ibn Mas’ud Muzakkar rahimahullohning bunday deganlarini eshitdim: “Ba’zi ulug‘lardan shunday hikoya keltirilgan:

“Mansur ibn Ammor aytadi: “Bir xaroba joyga kirdim. U yerda qo‘rquv bilan namoz o‘qiyotgan yigitni ko‘rdim. Ichimda: “Albatta, bu yigitda bir gap bor. Ehtimol, u Alloh azza va jallaning valiy do‘stlaridandir” dedim. Namoz o‘qib bo‘lgunicha kutib turdim. Namozidan salom bergach, unga salom berdim. U alik oldi. Unga: “Jahannamda bir vodiy borligini bilmadingizmi? Alloh taolo u haqida shunday degan: 

كَلَّا إِنَّهَا لَظَى

 “Yo‘q! Albatta u(jahannam) kuchli alangadir”.

 نَزَّاعَةً لِّلشَّوَى

 “Boshning terisini sidirib oluvchidir”. (Bosh terisi shilib olingan do‘zaxiyga Alloh taolo yana yangi teri ato etadi. Jahannam o‘ti esa yana uni shilib oladi va shu tariqa to‘xtovsiz davom etaveradi.)

 تَدْعُو مَنْ أَدْبَرَ وَتَوَلَّى

 “U chaqiradir; orqaga ketgan va yuz o‘girganni”.

(Maorij surasi, 15-17-oyatlar).

Oyatni eshitgan yigit chuqur nafas oldi-da, ho‘ngrab yig‘lab yubordi, oh tortdi-yu, hushidan ketdi. O‘ziga kelganda, menga: “Yana Qur’on oyatidan o‘qib bering!” dedi. Men:

وَقُودُهَا النَّاسُ وَالْحِجَارَةُ

“Yoqilg‘isi odamlar va tosh bo‘lgan” (Baqara surasi, 24-oyat) degan oyatni o‘qidim. Oyatni eshitishi bilanoq joni uzilib, yerga yiqildi.

Libosini ko‘tarib, ko‘ksini ochsam, ko‘kragi ustiga:

فَهُوَ فِي عِيشَةٍ رَّاضِيَةٍ

“Bas, u rozilik hayotidadir”.

فِي جَنَّةٍ عَالِيَةٍ

“Oliy jannatdadir”.

 قُطُوفُهَا دَانِيَةٌ

 “Uning mevalari yaqindir” (Haaqqoh surasi, 21-23-oyatlar) degan oyatlar yozilganini ko‘rdim.

Kech bo‘lgach, uyquga yotdim. Tushimda uni karovat ustida, boshiga toj kiyib o‘tirgan holda ko‘rdim. Undan: “Alloh taolo seni nima qildi?” deb so‘radim. Shunda u: “U Zot menga Badr ahlining savobini berdi va yana ziyoda qildi” deb javob berdi. Men yana undan: “Nega senga ularning savobi mislicha savob berdi?” desam, u: “Chunki, ular kofirlarning qilichlari bilan o‘ldirildilar. Men esa Malikul G‘afforning qilichi bilan o‘ldirildim” deya javob berdi”.

 Bu qissani Yofi’iy degan olim “Rovzur rayohiyn fiy hikayatis solihiyn” kitobida zikr qilgan”.

  Is'hoq Sa’labiyning “Qotla-l-Qur’an” nomli

asaridan Nozimjon Iminjonov tarjimasi

O‘MI Matbuot xizmati

 

 

 

Qur'oni karim
Boshqa maqolalar
Maqolalar

Fitnadan saqlangan saodatlidir!

23.09.2025   2408   1 min.
Fitnadan saqlangan saodatlidir!

Xozirgi kunda eng saodatli kishi turli fitna-fasod ishlarga aralashmay yashayotgan inson desak mubolag‘a bo‘lmaydi. Odamlarni tafriqaga soluvchi insonlarga yoki fasod chiqaruvchi da’vatlarga e’tibor bermay, yot g‘oyalarga qarshi chiqa oladigan ma’naviy immunitet hosil qilish davr talabidir.

“Yaqin orada fitnalar bo‘ladi. O‘sha chog‘da o‘tirib olgan odam tik turgandan yaxshiroqdir. O‘rnida jim tik turgan esa yurayotgan odamdan yaxshiroqdir. Yayov yurgan esa tez-tez yurayotgan odamdan yaxshiroqdir. Kim o‘sha fitnalarga e’tibor bersa uni fitna o‘ziga tortib ketadi. Kimki qutulishga joy topa olsa, o‘sha joyda fitnadan himoyalansin!” (Buxoriy va Muslim rivoyati). Modomiki, inson berilgan umrni g‘animat bilib, savobli ishlar bilan mashg‘ul bo‘lsa, yaxshi insonlar yo‘lidan yursa, ikki dunyoda saodatga erishadi.

Biz insonlik tabiatimiz bilan, bilgan-bilmagan narsalarga ergashib ketishimiz mumkin, lekin bu to‘g‘ri yo‘ldan adashib ketishimizga bahona bo‘la olmaydi,chunki Alloh aql va farosat bergan. Farosatli kishi fitnadan extyot bo‘ladi va uzoqda yuradi.

Alloh taolo Baqara sursini 191-oyatida “Fitna qatldan yomonroqdir”  deb marhamat etadi.

Rasululloh sollallohu alayhi vasallam: “Sizlarga mening sunnatimni va roshid xalifalarning sunnatini tutmoqlik lozimdir. Bas, uni mahkam tutinglar” deb marhamat qilganlar.

Namangan tumani "Beshkapa" jome masjidi

imom-xatibi Kamoldin Isaqov

Manba: @SOFTALIMOTLAR

MAQOLA