Sayt test holatida ishlamoqda!
17 Aprel, 2025   |   19 Shavvol, 1446

Toshkent shahri
Tong
04:16
Quyosh
05:41
Peshin
12:28
Asr
17:07
Shom
19:08
Xufton
20:27
Bismillah
17 Aprel, 2025, 19 Shavvol, 1446

Bugun Qur’on musobaqasining Navoiy viloyati hududiy bosqichiga oq fotiha beriladi

22.01.2018   5848   1 min.
Bugun Qur’on musobaqasining  Navoiy viloyati hududiy bosqichiga oq fotiha beriladi

Aziz Qur’on muxlislari bugun qorilar musobaqasining Navoiy viloyati hududiy bosqichiga oq fotiha beriladi. Barcha viloyatlar kabi Navoiy viloyatining ham o‘zi xos jihatlari mavjud. Buyuk mutafakkir Alisher Navoiy nomi bilan ataluvchi ushbu eng kenja viloyat hududi jihatidan eng katta bo‘lib, aholisining ko‘p millatliligi bilan alohida ajralib turadi.
Bugun, 22 yanvar kuni ushbu viloyatning bir necha tumanlarida musobaqaning hududiy bosqichlari boshlanadi. Siz azizlar bilan o‘tgan kunlar davomida Sirdayo, Jizzax, Samarqand va Buxoro viloyatlarida xushovoz qorilar tilovatini tinglab, ruhimiz ma’naviy quvvat oldi. Qani bir ko‘raylikchi, Navoiy qorilari bizni qaysi jihatlari bilan lol qilar ekan. Biz sanoat shahri deb bilgan Navoiy viloyatida balki kutilmagan holatlar bizni ajablantirsa kerak, inshoalloh.
Bir necha daqiqalardan so‘ng Navoiyda Qur’on musobaqasining hududiy bosqichiga oq fotiha beriladi. Hozirdan tayyorgarliklar juda avjida, musobaqa muslim.uz sayti va ijtimoiy tarmoq sahifalarida onlayn uzatib boriladi.
Shunday ekan, barcha Qur’on ixlosmandlarini Navoiy shahridagi “Alisher Navoiy” jome masjida bo‘lib o‘tadigan Qur’oniy ziyofatga taklif etamiz. Marhabo, azizlar!

O‘zbekiston musulmonlari idorasi Matbuot xizmati

O'zbekiston yangiliklari
Boshqa maqolalar
Yangiliklar

"Qoziyot kubogi" musobaqasida "Do‘stlik" g‘alaba qozondi

16.04.2025   1408   1 min.

Shu yil 15 aprel kuni Nukus shahri “Muhammad ibn Ahmad al-Beruniy” o‘rta maxsus islom bilim yurtining yozgi sport maydonida mini-futbol bo‘yicha "Qoziyot kubogi" final o‘yini bo‘lib o‘tdi.


Jamoalar o‘rtasida bo‘lib o‘tgan final o‘yini uyushqoqlik bilan qizg‘in o‘tdi. Unda Nukus shahri "Muhammad ibn Ahmad al-Beruniy" o‘rta maxsus islom bilim yurtining "Do‘stlik" jamoasi 1-o‘rin sohibi bo‘ldi.


Taxtako‘pir va Qorao‘zak tumanlaridan tuzilgan "Dao‘qara" jamoasi 2-o‘rin, Nukus shahri diniy xizmatchilaridan tuzilgan "Orol" jamoasi 3-o‘rin g‘olibi bo‘ldi.


Ma’lumot o‘rnida mazkur musobaqa davomida Qoraqalpog‘iston musulmonlari qoziyotiga qarashli respublikadagi masjidlar imom-xatiblari, imom-noiblari va masjid xodimlari, bilim yurti o‘qituvchilari va xodimlaridan iborat 12 jamoa ishtirok etdi.
 

Musobaqada g‘olib bo‘lgan jamoalar va yaxshi o‘yin ko‘rsatgan futbolchilarga Qoraqalpog‘iston Respublikasi Vazirlar Kengashi, Qoraqalpog‘iston musulmonlari qoziyoti va "Vaqf" xayriya jamoat fondi tomonidan esdalik sovg‘alari topshirildi.


Yakunda Qoraqalpog‘iston Respublikasi Vazirlar Kengashi raisi o‘rinbosari R.Nurazizov va Qoraqalpog‘iston musulmonlari qoziyoti qozisi B.Razovlar musobaqa ishtirokchilarini g‘alabalari bilan tabriklab, kelgusi ishlarida muvaffaqiyatlar tiladi. 
 

O‘zbekiston musulmonlari idorasi

Qoraqalpog‘iston musulmonlari qoziyoti

Matbuot xizmati

O'zbekiston yangiliklari