Buxoroda “Xavfsiz turizm” konsepsiyasi asosida ichki ishlar idoralarining yangi tizimdagi faoliyati yo‘lga qo‘yildi. Bu haqda Buxoro IIB Matbuot xizmati xabar berdi.
Bu ko‘hna shaharning betakror tarixiy obidalarini ko‘rish, aziz avliyolar, buyuk ajdodlarimiz mangu qo‘nim topgan muqaddas qadamjolarni ziyorat qilish uchun xorijliklarning qadami uzilmaydi. Bu o‘z navbatida huquq tartibot, ayniqsa, ichki ishlar idoralari xodimlari zimmasiga ham katta mas’uliyat yuklaydi. Chunki, tashrif buyurayotgan turli delegatsiya a’zolari va chet ellik mehmonlar xavfsizligini ta’minlash, ularga nisbatan turli xil ko‘ngilsiz hodisalar, huquqbuzarlik va jinoyatlar sodir etilishiga yo‘l qo‘ymaslik asosiy vazifalardan biri hisoblanadi.
O‘zbekiston Respublikasi Vazirlar Mahkamasining “Buxoro, Samarqand, Xiva va Shahrisabz shaharlarida xavfsiz turizmni ta’minlash chora-tadbirlari to‘g‘risida”gi qarori hamda Ichki Ishlar Vazirligining buyrug‘i talablarini bajarish yuzasidan Buxoro viloyat hududida Xavfsiz turizmni ta’minlash maqsadida IIB tarkibiga kiruvchi 43 ta shtatdan iborat turizm yo‘nalishida xavfsizlikni ta’minlash boshqarmasi tashkil etildi.
Soha mutaxassislarining fikricha, ushbu tizimning joriy etilishi kelgusida sayyohlar xavfsizligini ta’minlash va ularning viloyatda sayyohat qilishlari chog‘ida qo‘shimcha shart-sharoitlarning yaratilishiga imkon yaratadi. Bundan tashqari, mazkur xujjatda chet el fuqarolari uchun xavfsiz muhitni yaratish vazifalari ham aniq qilib belgilangan. Bugungi kunda ana shu qaror ijrosini ta’minlashga qaratilgan konsepsiya ustida ham soha mutaxassilari ish olib bormoqda.
Ta’kidlash joizki, viloyat IIB boshlig‘ining buyrug‘iga binoan, o‘tkazilgan tanlovda birinchi navbatda xorijiy tillarni biladigan, yuqori malakali mutaxassislar, bundan tashqari, kasbiy tayyorgarlikka, yuksak ahloqiy va ma’naviy sifatlarga, xizmat vazifalarini bajarish bo‘yicha zaruriy tajribaga ega bo‘lgan xodimlar tanlab olindi.
“Shu boisdan ham, xorijliklar uchun bugungi zamon talblariga javob beradigan barcha qulayliklarni joriy etish hamda kelajakda ularning tashrifini yanada oshirish maqsadida xalqaro miqiyosida targ‘ibot-tashviqot ishlarini kuchaytirishimiz lozim bo‘ladi”,- deydi boshqarma rahbari Erkin Safarov.
Ma’lumotlarga ko‘ra, birgina Buxoro shahrida 2018 yilning oxiriga qadar, 10 ta zamonaviy mehmonhonalarni barpo etish, ulardagi o‘rinlar sonini 1210 taga yetkazish choralari ko‘rilmoqda.
Hozirda “Qalqon” yagona videokuzatuv markazi Buxoro shahari hududini o‘rnatilgan 60 ta kameralar orqali kuzatib kelayotgan bo‘lsa, kelgusida Buxoro shahriga tashrif buyurgan xorijiy sayyohlarning xavfsizligini ta’minlash hamda “Xavfsiz turizm” dasturiy kompleks tizimini joriy qilish maqsadida ana shunday kameralar sonini yana 425 taga ko‘paytirish borasida chora-tadbirlar ishlab chiqilmoqda. Demak, joylarda 275 ta videokuzatuv moslamalari, 68 ta shaxs va avtotransport vositalarining davlat raqam belgilarini yaqqol ko‘rsatuvchi videokameralar, 4 ta issiqlikni aniqlovchi (teplovizor), 55 ta aloqa tashvish tugmalari, shuningdek, 27 ta chorrahalarda 85 ta yo‘l harakati qoidalarini buzish holatlarini va avtomobil yo‘llarining 6 ta joylarida tezlikni aniqlaydigan videokameralar o‘rnatilishi belgilandi. Bu esa, o‘z o‘rnida sayyohlar gavjum bo‘ladigan joylarda nazoratni kuchaytirish imkonini beradi va ularning havfsizligini ta’minlaydi.
Bugungi kunda shaharning qaysi bir go‘shasida bo‘lmang, hududlarda hushyor va sergak posbonlar osoyishtalikni ta’minlash yo‘lida xizmat olib borayotganliklarining guvohi bo‘lasiz.
Buxoroda mavjud bo‘lgan barcha yodgorliklar, va ularni kurish uchun kelayotgan sayyohlar alohida nazoratga olingan.
O‘MI Matbuot xizmati
Iymon 
Namoz 
Ro'za 
Zakot 
Haj 
Qur'on 
Islom saboqlari 
Aloqa 
