Sayt test holatida ishlamoqda!
13 Iyun, 2025   |   17 Zulhijja, 1446

Toshkent shahri
Tong
03:04
Quyosh
04:49
Peshin
12:28
Asr
17:38
Shom
20:00
Xufton
21:38
Bismillah
13 Iyun, 2025, 17 Zulhijja, 1446

“Muhammad ibn Ahmad al-Beruniy” madrasasida siyrat musobaqasi o‘tkazildi

13.12.2017   6248   1 min.
“Muhammad ibn Ahmad al-Beruniy” madrasasida siyrat musobaqasi o‘tkazildi

O‘tgan hafta Muhammad ibn Ahmad al-Beruniy nomidagi o‘rta maxsus islom bilim yurtida Payg‘ambarimiz sollallohu alayhi vasallamning tavallud topgan oylari munosabati bilan siyrat va hadis musobaqasi bo‘lib o‘tdi.

Musobaqa Qur’on tilovati bilan boshlandi. Musobaqada madrasaning 2, 3, 4-kurs talabalari o‘zaro bellashdilar. Musobaqa quyidagi shartlar asosida bo‘lib o‘tdi.

1-shart. “Rasululloh sollallohu alayhi vasallamga maktub” deb nomlanib, unda ishtirokchi jamoalardan bir talaba Rasululloh sollallohu alayhi vasallamga o‘zining dil izhorlarini maktub orqali o‘qib eshittirdi.

2-shart. “Hadis bilimdoni” deb nomlanib, mazkur shartda «Shamoili Muhammadiya» asaridan 10 ta hadis yoddan aytib berildi.

3-shart. Siyratga oid savollar bo‘lib, unda «Rasululloh sollallohu alayhi vasallam va ahli bayt» kitobi asosida tuzilgan 10 ta savolga javob berishdi.

4-shart. “Rasululloh sollallohu alayhi vasallamga salavot”, deb nomlanib, bu shartda ishtirokchilar yolg‘iz yoki jamoa bo‘lib salavot aytishdi.

Musobaqa natijasiga ko‘ra, 1-o‘rin 3-kurs talabalariga, 2-o‘rin 4-kurs talabalariga va 3-o‘rin 2-kurs talabalariga nasib etdi. G‘olib jamoalarga madrasa rahbariyatining qimmatbaho sovg‘alari topshirildi.

O‘MI matbuot xizmati

O'zbekiston yangiliklari
Boshqa maqolalar

Jamoat namozini o‘tkazib yuborganning ta’ziyasi

13.06.2025   826   2 min.
Jamoat namozini o‘tkazib yuborganning ta’ziyasi

O‘tgan solih zotlar jamoat bilan namoz o‘qiyolmay qolsalar, bir-birlariga ta’ziya izhor qilishar ekan. Shunday zotlardan biri Hotamul Asom aytadi: “Men jamoatga ulgurmay qoldim, shunda menga Abu Is'hoq Buxoriyning bir o‘zi ta’ziya bildirdi. Agarda o‘g‘lim o‘lib qolsa minglab odamlar ta’ziya izhor qilishadi. Buning sababi odamlar nazdida din musibati dunyo musibatlaridan ko‘ra arzimas sanalganidandir”.

Bugungi kunda oramizda qanchalab odamlar jamoat namozlarini o‘tkazib yuboradilar, jiddiy e’tibor qaratmaydilar. Ba’zida ish, g‘am-tashvishlarning ko‘pligini bahona qilamiz, to‘g‘rimi?! Yana ko‘plar tuni bilan uxlamasdan, bomdod namoziga yaqin uxlab qolishlari ham bor gap.

Rasululloh sollallohu alayhi vasallamning “Zimis­tonda masjidlar sari odim tashlovchilarga qiyomat kunidagi tamomiy nurning xushxabarini beringlar”[1] deganlarini nahot eshitmagansiz?!

Shayton sizning ustingizdan g‘alabaga erishib, namozda xotirjamligingizni ketkazishiga imkon bermang!

Omir ibn Abdulloh o‘lim to‘shagida yotganlarida azon ovozini eshitib: “Meni qo‘limdan tutinglar”, dedilar. Omir ibn Abdullohga “Axir siz betobsiz-ku”, deyishganida: “Allohning chaqirig‘ini eshitib turib, unga rioya qilmaymanmi”, dedilar. Keyin  u kishini qo‘lidan ushlab turg‘izishdi. Masjidda imom bilan shom namozining bir rakatini o‘qidilar va jon taslim qildilar.

Yana bir misol: Sufyon ibn Uyayna azon aytilishidan ilgari namozga borishga ishtiyoqmand bo‘lganlar va doim: “Namozga azon aytilmagunicha masjidga kelib turmaydigan yomon qul bo‘lma. Chunki yomon qul chaqirmaguningcha kelmaydi”, der edilar.

Oisha roziyallohu anho onamiz aytadilar: “Rasululloh sollallohu alayhi vasallam bilan suhbatlashib o‘tirardik, u zot ham biz bilan gaplashib o‘tirardilar. Bordi-yu, namoz vaqti kirib qolsa, bir-birimizni tanimaganday bo‘lib olardik”[2].

Shukrki, oramizda masjidda birinchi safga joylashish uchun g‘ayrat qiluvchilar ko‘payib bormoqda. Nabiy alayhissalom: “Agarda odamlar azonda va birinchi safda nimalar borligini bilishsa edi, unga erishish uchun qur’a tashlashdan boshqa chora bo‘lmasa, albatta, qur’a tashlagan bo‘lardilar”, deganlar.

 Said ibn Musayyab aytadi: “Men ellik yildan beri biror marta birinchi takbirni o‘tkazib yubormaganman. Ellik yildan buyon namozda birorta kishining boshining orqasiga qaragan emasman”.

 

Hasson Shamsiy Poshoning
“Jannat bo‘stonidagi oilaviy oqshomlar” nomli kitobidan
G‘iyosiddin Habibulloh, Ilhom Ohund, Abdulbosit Abdulvohid tarjimasi.


[1]  Imom Termiziy va Imom  Abu Dovud rivoyati.
[2]  Mursal hadis. Iroqiyning “Ihyo”ga yozgan taxrijiga qarang (1, 205).