2017 yil 17 oktyabr kuni mamlakatimizga amaliy tashrif bilan kelgan Checheniston Respublikasi rahbari Ramzan Qodirov Samarqandga tashrif buyurdi. Tashrif marhum Birinchi Prezidentimiz Islom Karimov qabrini ziyorat qilish bilan boshlandi. Qabr oldida taomilga ko‘ra, Qur’oni karim tilovat qilindi.
Martabali mehmon marhum yurtboshimiz Islom Karimov dafn etilgan hududda barpo etilayotgan yodgorlik majmuasi bilan yaqindan tanishdi. Prezidentimiz Shavkat Mirziyoyevning ko‘rsatmalari asosida takomillashtirilayotgan majmuada olib borilayotgan ishlar Checheniston rahbarida katta taassurot qoldirdi.
Ramzan Qodirov Imom Buxoriy majmuasiga tashrifi asnosida Imom Buxoriy hazratlarining qabrini ziyorat etar ekan, u kishiga bo‘lgan yuksak ehtiromini izhor etdi. Bobokalonimizning qabrlari poyida Qur’oni karim oyatlaridan o‘qilib, duo qilindi. Mehmon majmua tarixi bilan tanishib, dunyo ahli tan olgan buyuk imomga ko‘rsatilayotgan davlat darajasidagi e’tiborni yuksak baholadi.
Majmua yonidan bunyod etilayotgan Imom Buxoriy xalqaro ilmiy-tadqiqot markazi ajdodlarimizning boy ma’naviy merosi nafaqat yurtimizda, butun islom olamida keng o‘rganilishi katta imkoniyat berishi e’tirof etildi.
Mehmonlar tashrif davomida “Xo‘ja Doniyor” ziyoratgohi, buyuk sahoba Qusam ibn Abbos roziyallohu anhu mangu qo‘nim topgan “Shohi Zinda” majmuasi va “Registon” ansamblini ham ziyorat qilishdi.



O‘zbekiston musulmonlari idorasi
Samarqand viloyati vakilligi
Shu yil, 2 mart kuni O‘zbekiston musulmonlari idorasi raisi, muftiy Shayx Nuriddin Xoliqnazar hazratlari Toshkent shahar "Rakat" jome masjididagi taroveh namozida ishtirok etib, jamoatga Ramazoni sharif fazilati, tinchlik-osoyishtalikni qadri to‘g‘risida go‘zal suhbat qilib berdilar.
Muftiy hazratlari masjidga yig‘ilgan mo‘min-musulmonlarga bu yil Ramazoni sharif yurtimizda o‘zgacha shukuhda o‘tayotgani, bir oygina mehmon bo‘lgan g‘animat oyning rahmat dahasi ham tugab, ikkinchi o‘n kunlik – mag‘firat dahasi boshlangani, ayni kunlarda Alloh taolodan ko‘proq ofiyat so‘rash lozimligi, bu borada Payg‘ambarimiz sollallohu alayhi vasallam: “Allohdan afv va ofiyat so‘ranglar. Chunki biror kishiga iymondan keyin ofiyatdan-da yaxshirog‘i berilmagan”, deya marhamat qilganlarini bayon etdilar.
Shuningdek, duolar qabul bo‘ladigan fursatlarda Haq taolodan dunyoning ko‘plab hududlaridagi notinchliklar tez orada barham topishi va yurtimizdagi tinchlik-osoyishtalikni bardavom bo‘lishini so‘rash, ushbu ne’matning qadriga yetish lozimligini qayd etdilar.
Manfaatli suhbat yakunida Muftiy hazratlari Alloh taolodan barchaga ikki dunyo saodatini nasib qilishini so‘rab, elu yurtimiz haqqiga xayrli duolar qildilar.
#xabar #taroveh #muftiy
O‘zbekiston musulmonlari idorasi
Matbuot xizmati