Bugun Toshkent shahridagi qator masjidlarda Qur’oni Karim xatmi nihoyasiga yetkazilib duolar qilinadi:
1. “Hazrati imom” jome masjidi. (Olmazor tumani, Qorasaroy ko‘chasi, 49-uy.)
Qorilar: Ismoiljon Qurbonov, Ahmadxon Alimov, Abdulbasir Kamolov;
2. “Maxkam ota” jome masjidi. (Uchtepa tumani, Bayroq-Durbek ko‘chasi, 14a-uy.)
Qorilar: Abduqodir Abduraxmonov, Dilshod G‘oziyev;
3. “Ko‘kcha Oqtepa” jome masjidi. (Uchtepa tumani, Shula ko‘chasi,12-uy.)
Qorilar: Abubakr Valiyev, Fayzulloh Hasanov.
Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.
"Ajallaringiz kelmasdan turib, yaxshilik qilib qolinglar. U sizga ertami-kechmi, albatta, keladi. Ogoh bo‘linglar! Dunyo aldovga o‘ralgandir. Dunyo hayoti sizni aldab qo‘ymasin. O‘zingizdan oldin o‘tganlardan ibrat olinglar. Jiddiy bo‘linglar. G‘aflatda qolmanglar. Chunki sizdan g‘aflatda qolinmas. Qani dunyoga qul bo‘lganlar!? Dunyoning ortidan yurgan, uni obod qilgan va undan uzoq vaqt huzurlanganlar qani!? U ularni yutib yubormadimi!? Alloh dunyoni qayerga otsa, siz ham o‘sha yerga oting!".
Usmon ibn Affon roziyallohu anhu
«Hadis va hayot» kitobining 22-juzidan olindi